Kali pryjedzie kiraŭnik Venesueły ŭ Miensk, pakul nieviadoma.
«Raniej ab\jaŭleny na sakavik vizit admienieny. Pasolstva pakul nie maje infarmacyi, kali vizit moža adbycca», — patłumačyła supracoŭnica dypmisii.
Nahadajem, raniej časova pavierany ŭ spravach Vieniesueły Amieryka Dyjas Nuńjes paviedamlaŭ, što prezident Uha Čavies płanuje pryjechać u Minsk u sakaviku 2008 hoda.
Prezident Vieniesueły naviedvaŭ Biełaruś dvojčy — u lipieni 2006 i ŭ červieni 2007 hoda. U śniežni 2007 hoda Vieniesuełu naviedaŭ prezident Biełarusi Alaksandr Łukašenka. Padčas jaho vizitu adbyłosia adkryćcio biełaruska‑vieniesuelskaha sumiesnaha pradpryjemstva pa zdabyčy nafty «PietraVienBieł» u štacie Ansaatehi, byŭ padpisany šerah mižuradavych i mižviedamasnych dakumientaŭ u roznych śfierach. U ich liku — padahnieńni ab supracoŭnictvie ŭ handlova‑ekanamičnaj śfiery, ab sadziejańni ažyćciaŭleńniu i ŭzajemnaj abaronie inviestycyj, ab paźbiahańni dvajnoha padatkaabkładańnia i papiaredžańni ŭchileńnia ad vypłaty padatkaŭ, ab admienie viz u nacyjanalnych, dypłamatyčnych i słužbovych pašpartach.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary