Francuzski honščyk «Formuły-1» Žul Bjanki, jaki ŭ minułym hodzie atrymaŭ ciažkija traŭmy ŭ vyniku avaryi na Hran-pry Japonii, pamior viečaram u piatnicu.
25-hadovy honščyk, jaki vystupaŭ za kamandu «Marusia», byŭ u komie z 5 kastryčnika.
U składanych umovach nadvorja Bjanki vylecieŭ z trasy i na chutkaści bolš za 200 km/h urezaŭsia ŭ evakuatar, atrymaŭšy surjoznuju čerapna-mazhavuju traŭmu.
«Žul, jak zaŭsiody, zmahaŭsia da kanca, ale siońnia jaho bitva zaviaršyłasia», — havorycca ŭ zajavie baćkoŭ Bjanki.
Honščyk pamior va ŭniviersiteckaj balnicy Nicy niepadalok ad ich doma.
U kamandzie «Marusia», jakaja ciapier vystupaje pad nazvaj «Manor», zajavili, što «spustošanyja» horam.
«My dziakujem kaleham Žula, siabram, fanatam i ŭsim, chto prajaŭlaŭ ciopłyja pačućci ŭ adnosinach da jaho ŭ apošnija miesiacy. Heta dało nam vialikuju siłu i dapamahło davać rady ŭ takija składanyja časy», — havorycca ŭ zajavie baćkoŭ Bjanki.
Bjanki debiutavaŭ u «Formule-1» u składzie kamandy «Marusia» ŭ 2013 hodzie. Jon taksama byŭ členam akademii maładych kiroŭcaŭ Fierary i ŭ minułym pracavaŭ u hetaj kamandzie ŭ jakaści test-piłota.
Jon staŭ pieršym honščykam «Formuły-1», jaki zahinuŭ ad traŭmaŭ, atrymanych pry avaryi, paśla trochrazovaha čempijona śvietu brazilca Ajrtana Sieny, jaki zahinuŭ u italjanskaj Imale ŭ 1994 hodzie.
Na trasie ŭ japonskaj Sudzuki Bjanki urezaŭsia ŭ evakuatar, jaki prybiraŭ balid niamieckaha honščyka Adryjana Sucila, jaki raźbiŭsia na tym ža miescy na papiarednim kole.
Paśla naviny pra śmierć Bjanki inšyja honščyki «Formuły-1» vykazali spačuvańni jaho siamji ŭ sacsietkach.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary