Dyrektar Džymi dy jaho namieśnik Cimoša — u Minsku adkryŭsia «Muziej kata» FOTY
Na praśpiekcie Dziaržynskaha, 11 (stancyja mietro «Hrušaŭka») 8 vieraśnia adbyłosia adkryćcio mastackaj halerei, całkam pryśviečanaj katam.
U joj možna ŭbačyć karciny, fota, tvory dekaratyŭna-prykładnoha mastactva z vyjavaj katoŭ, niekatoryja ź ich možna nabyć. Atrymanyja srodki pojduć nie tolki na patreby halerei, ale i na dabračynnaść.
Naviednikaŭ sustrakajuć i sami abjekty mastackaha asensavańnia.
Ciapier ich dvoje: dyrektar Džymi, vializny puchnaty skociš fołd, i jaho namieśnik — šery pałasaty Cimoša. Apošniaha zabrali z «pieratrymki» — pastajannaha doma ŭ jaho nie było. Abodva łaskavyja i pryjaznyja.
Aŭtar idei i kuratar prajekta — Ała Navarskaja, jakaja raniej zajmałasia arhanizacyjaj vystaŭ «Sakavickija katy». Tamu znajści dastatkovuju kolkaść mastackich tvoraŭ było niaciažka.
Jak paviedamiła administratar Evielina, vystavy płanujecca mianiać, dadavać novyja tvory i pašyrać asartymient.
Taksama źjaviacca try novyja kociki, jakija buduć «pracavać u dźvie źmieny» — pa čatyry hadziny.
Pakul treciaja kotka Miłka nie vytrymała nahruzki, jaje zabrali dachaty na adpačynak.
Kamientary