U Biełarusi ŭ 2016 hodzie płanujecca źnizić staŭki nialhotnych kredytaŭ da 24-27%, zajaviŭ siońnia pieršy namieśnik ministra ekanomiki Biełarusi Alaksandr Zabaroŭski na XVI Mižnarodnaj navukovaj kanfierencyi «Prablemy prahnazavańnia i dziaržaŭnaha rehulavańnia sacyjalna-ekanamičnaha raźvićcia: strukturnyja reformy i ekanamičny rost.
«Realizacyja mier urada i Nacbanka na 2016 hod daść mahčymaść źnizić staŭki pa nialhotnych kredytach ź ciapierašnich 37% da 24-27%, siaredniaja staŭka pa ekanomicy składzie 15% pry inflacyi 12%. Heta značyć buduć tyja kłasičnyja 3% maržy, pra jakija my havorym z punktu hledžańnia adpaviednaści inflacyi i siaredniaj staŭki pa kredytach», — adznačyŭ Alaksandr Zabaroŭski.
Pavodle jaho słoŭ, u adras urada i Nacbanka hučyć krytyka za darahaviznu kredytaŭ i admovu ŭ kredytavańni. «Na moj pohlad, heta krytyka paviarchoŭnaja, jana nie ŭličvaje dysparytet stavak na kredytna-depazitnym rynku. Za košt ilhot dla adnych zavyšajucca staŭki dla inšych. Siaredniaja pracentaja staŭka pa ŭsich kredytach realnamu siektaru ŭ studzieni-vieraśni 2015 hoda — kala 17%. Pry hetym pa lhotnych — 9,1%, pa nialhotnych — 36,6%», — rastłumačyŭ jon.
Alaksandr Zabaroŭski kanstatavaŭ, što da 2020 hoda płanujecca vyjści na pracentnyja staŭki 11-12% pa nialhotnych kredytach i inflacyju 5% z šyrokim kankurentnym dostupam da kamiercyjnaha bankaŭskaha kredytavańnia dla ŭsich. «Ale tut niama prostych rašeńniaŭ. Treba ŭličvać, što mnohija ŭ pieršuju čarhu dziaržpradpryjemstvy pryvykli žyć va ŭmovach vielmi miakkich biudžetnych abmiežavańniaŭ abo, prosta kažučy, u nas sfarmiravałasia pryvyčka razhladać kredyty nie jak płatnyja i zvarotnyja resursy, a jak finansavańnie, jakoje potym možna nie viartać», — skazaŭ jon. Pry hetym pieršy namieśnik ministra padkreśliŭ, što ŭ biahučym hodzie ŭsia ekanomika pracuje ŭ žorstkich biudžetnych abmiežavańniach. «Tak budzie i ŭ 2016 hodzie, i my płanujem, što i va ŭsioj piacihodcy», — padahulniŭ jon.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary