Dziełavy styl praduhledžvaje peŭny kamplekt: dla chłopčykaŭ i asobna dla dziaŭčynak.
Pra heta na pasiadžeńni kaardynacyjnaha savieta pa pytańniach uviadzieńnia adzieńnia dziełavoha stylu dla vučniaŭ ahulnaadukacyjnych ustanoŭ, arhanizacyi jaje vytvorčaści i realizacyi 20 sakavika ŭ Minsku paviedamiŭ namieśnik ministra adukacyi Kazimir Faryno.
Pavodle jaho słoŭ, adpaviednyja listy z rekamiendacyjaj uklučyć u praviły ŭnutranaha rasparadku navučalnych ustanoŭ punkt ab našeńni adzieńnia dziełavoha stylu, nakiravany Ministerstvam adukacyi va ŭsie ŭpraŭleńni adukacyi krainy. Aprača taho, im rekamiendavana pravieści prezientacyi madelaŭ adzieńnia dziełavoha stylu ajčynnaj vytvorčaści.
Jak paviedamiŭ K.Faryno, sioleta budzie adabrana pryblizna 50 madelaŭ školnaha adzieńnia, jakija kaardynacyjny saviet rekamienduje da vytvorčaści. Usiaho ž, pavodle infarmacyi vytvorcaŭ, u Biełarusi raspracavana prykładna 300 madelaŭ.
«Naša zadača — sfarmavać kulturu našeńnia adzieńnia dziełavoha stylu, modu na školnaje adzieńnie», — skazaŭ K.Faryno.
Na jaho dumku, adzieńnie dziełavoha stylu pavinna być funkcyjanalnym, hihijeničnym, dastupnym pa canie i, hałoŭnaje, padabacca školnikam.
Jak paviedamiła BiełaPAN hałoŭny inśpiektar upraŭleńnia ahulnaj siaredniaj adukacyi Minadukacyi Śviatłana Prastakova, dziełavy styl adzieńnia ŭ biełaruskich škołach uvodziŭsia paetapna na praciahu troch hadoŭ: spačatku ŭ pačatkovaj škole, zatym — u bazavaj, sioleta — dla vučniaŭ 10—11‑ch (12‑ch) kłasaŭ.
Pavodle jaje słoŭ, dziełavy styl adzieńnia praduhledžvaje peŭny kamplekt. U kamplekt dla chłopčykaŭ mohuć uvachodzić štany, pinžak, kamizelka, kašula (trykatažny śviter), dla dziaŭčynak — štany, spadnica abo sarafan, błuza (śviter). Śpiecyjalist zaznačyła, što kožnaja škoła moža prymać rašeńnie ab kolery i kamplekcie adzieńnia, našeńni adzieńnia ŭ zaležnaści ad siezona. Adzieńnie z džynsavaj tkaniny padčas zaniatkaŭ u škole nie dapuskajecca.
Ciapier čytajuć
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?2
Pieršy biełaruski pašpart z «Pahoniaj» atrymaŭ Łukašenka, a druhi — školnik Juryj Čarniak. Jak skłaŭsia los chłopca?
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8484
Kamientary