Žychary Šviecyi padtrymlivajuć adnaŭleńnie ŭsieahulnaha voinskaha abaviazku.
U niadzielu, 10 studzienia, ministr abarony Šviecyi Marhat Valstrem zajaviła, što ličyć metazhodnym adnaŭleńnie usieahulnaha voinskaha abaviazku ŭ krainie.
«Ja siarod tych, chto vitaŭ b sučasny, hiendarna raŭnapraŭny varyjant ahulnaha abaviazku z vajennaj i alternatyŭnaj słužbami», — pieradaje słovy Valstrem ahienctva Reuters.
Na dumku ministra abarony Šviecyi, mahčymaść zaklikać reziervistaŭ vosieńniu 2015 na ŭzmacnieńnie mihracyjnaj słužby dapamahła b krainie spravicca ź vialikim napłyvam biežancaŭ ź Blizkaha Uschodu. Taksama pryzyŭniki mahli b dapamahać likvidavać nastupstvy stychijnych biedstvaŭ. Usieahulny vajskovy abaviazak u Šviecyi byŭ admienieny ŭ 2010 hodzie, ale, pavodle apytańniaŭ, bolšaść vybarščykaŭ chacieła b jaho adnaŭleńnia.
Za adnaŭleńnie pryzyvu na vajennuju słužbu na fonie napružanaści ŭ adnosinach z Rasiejaj paśla anieksii Kryma i pačatku kanfliktu ŭ Danbasie vystupajuć i ŭ vajennych kołach Šviecyi.
U Šviecyi ŭ kastryčniku 2014 upieršyniu ŭ historyi kolkaść prychilnikaŭ NATA pieravysiła kolkaść praciŭnikaŭ. Zhodna z sacapytańniem, 37 adsotkaŭ respandentaŭ padtrymlivajuć ŭstupleńnie krainy ŭ vajenna-palityčny aljans, a 36 adsotkaŭ — suprać.
Vydańnie The Guardian adznačała, što paśla pošukaŭ rasijskaj submaryny, jakaja niezakonna ŭvajšła ŭ terytaryjalnyja vody, Šviecyi varta zadumacca ab ustupleńni ŭ NATA. Ahladalnik adznačaje, što Stakholm na praciahu 20 hadoŭ skaračaŭ svaje vydatki na vojska. I ciapier jon šukaŭ parušalnika ŭ svaich vodach čatyry dni zapar, tamu što niama ni adnaho viertalota, jaki b byŭ zdolny procidziejničać padvodnym łodkam. U krasaviku 2105 susiedzi Rasii, u tym liku i Šviecyja, pavialičyli vajennyja biudžety. Akramia taho, Šviecyja ŭ minułym hodzie aktyvizavała supracoŭnictva z aljansam i z prybałtyjskimi dziaržavami.
Jak ahienty biełaruskaha HRU ŭkaranilisia ŭ apazicyju: novaje rasśledavańnie2
Kamientary