Rada ministraŭ Hiermanii napiaredadni ŭchvaliła zakonaprajekt, što dazvalaje vysyłać z krainy mihrantaŭ, jakija ŭčynili złačynstvy, paviedamlajuć infarmahienctvy.
Vysyłka inšaziemnaha hramadzianina budzie dapuščalnaj u tym vypadku, kali ŭ adnosinach da jaho ŭstupiŭ u siłu pryhavor za złačynstva, nakiravanaje suprać žyćcia, fizičnaj niedatykalnaści, seksualnaha samavyznačeńnia abo ŭłasnaści, a taksama za supraciŭleńnie pravaachoŭnym orhanam. Pry hetym nie maje nijakaha značeńnia, ci zamienieny vyniesieny pryhavor na ŭmoŭny.
Akramia taho, pretendentu na prystanišča budzie admoŭlena ŭ statusie biežanca, kali jon za ŭčynieńnie vyšejnazvanych złačynstvaŭ budzie pryhavorany da turemnaha pakarańnia na termin nie mienšy za adzin hod. Raniej heta praviła prymianiałasia ŭ adnosinach da inšaziemnych hramadzian, asudžanych na try hady pazbaŭleńnia voli.
Heta inicyjatyva była ŭzhodniena hrupaj kansiervataraŭ i sacyjał-demakrataŭ paśla taho, jak stała viadoma, što siarod tych, chto napaŭ na žančyn u Kiolnie, było šmat mihrantaŭ.
Ministr justycyi FRH Chajka Mas zaklikaŭ pryciahvać zamiežnych złačyncaŭ da adkaznaści, adznačyŭšy, što heta budzie na karyść i samim biežancam. «Biežancy nie zasłužyli taho, kab ich błytali sa złačyncami», — rastłumačyŭ ministr.
Uchvaleny ŭradam zakonaprajekt pavinny buduć razhledzieć bundestah i bundesrat.
«Jana nie ŭ turmie, a na śpiecdačy KDB!» Kanśpirołahi nakinulisia na Kaleśnikavu24
Kamientary