Рада міністраў Германіі напярэдадні ўхваліла законапраект, што дазваляе высылаць з краіны мігрантаў, якія ўчынілі злачынствы, паведамляюць інфармагенцтвы.
Высылка іншаземнага грамадзяніна будзе дапушчальнай у тым выпадку, калі ў адносінах да яго ўступіў у сілу прыгавор за злачынства, накіраванае супраць жыцця, фізічнай недатыкальнасці, сэксуальнага самавызначэння або ўласнасці, а таксама за супраціўленне праваахоўным органам. Пры гэтым не мае ніякага значэння, ці заменены вынесены прыгавор на ўмоўны.
Акрамя таго, прэтэндэнту на прыстанішча будзе адмоўлена ў статусе бежанца, калі ён за ўчыненне вышэйназваных злачынстваў будзе прыгавораны да турэмнага пакарання на тэрмін не меншы за адзін год. Раней гэта правіла прымянялася ў адносінах да іншаземных грамадзян, асуджаных на тры гады пазбаўлення волі.
Гэта ініцыятыва была ўзгоднена групай кансерватараў і сацыял-дэмакратаў пасля таго, як стала вядома, што сярод тых, хто напаў на жанчын у Кёльне, было шмат мігрантаў.
Міністр юстыцыі ФРГ Хайка Мас заклікаў прыцягваць замежных злачынцаў да адказнасці, адзначыўшы, што гэта будзе на карысць і самім бежанцам. «Бежанцы не заслужылі таго, каб іх блыталі са злачынцамі», — растлумачыў міністр.
Ухвалены ўрадам законапраект павінны будуць разгледзець бундэстаг і бундэсрат.
Цяпер чытаюць
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары