Eks-namieśnik staršyni «Biełnaftachima» pamiłavany i pracaŭładkavany

Znajomy Vołkava raspavioŭ, što toj «byŭ pamiłavany kiraŭnikom dziaržavy, jak i niekatoryja inšyja kvalifikavanyja dziaržsłužačyja». Jon ličyć, što były namieśnik staršyni «Biełnaftachima» «staŭ achviaraj razborak kankurujučych kamiercyjnych struktur, na bok adnoj ź ich stali siłaviki».

«Kali čałaviek nikoha nie zabivaŭ, nie hvałciŭ, nie ŭjaŭlaje niebiaśpieki hramadstvu, to ŭ bolšaści vypadkaŭ nie treba karać abmiežavańniem voli. Kali čałaviek sapraŭdy ździejśniŭ praliki, jon pavinien być pakarany. Ale jość masa sposabaŭ, nie źviazanych z turmoj. Naprykład, niachaj idzie i padymaje stratny kałhas», — skazaŭ surazmoŭca. Tamu jon nazyvaje «absalutna pravilnym rašeńnie prezidenta amnistavać kvalifikavanych śpiecyjalistaŭ, jakich u nas u krainie nie chapaje, asabliva ŭ kryzis». «Chaj jany nie hrošy [padatkapłatnikaŭ] prajadajuć u turmie, a pracujuć na karyść krainy», — miarkuje krynica.

Navapołacki NPZ byŭ zasnavany ŭ 2012 hodzie paśla kupli «Interservis» Navapołackaha zavoda białkova-vitaminnych kancentrataŭ (BVK). Ułaśniki naftatrejdara Alaksandr Šakucin i Mikałaj Varabiej chacieli stvaryć «inavacyjnuju vytvorčaść» pa pierapracoŭcy nafty i inšaj vuhlevadarodnaj syraviny mahutnaściu 1,5 młn ton u hod i terminał. Adnak potym płany źmianilisia: ŭźnikła ideja na bazie BVK pabudavać try-čatyry novyja pradpryjemstvy, jakija buduć vypuskać «vysokatechnałahičnyja impartazamiaščalnyja aŭtakampanienty i śpiectechniku». Niadaŭna, pavodle infarmacyi TUT.BY, pryniata rašeńnie viarnucca da stvareńnia bujnoha naftachimičnaha pradpryjemstva.

«Z hetaj metaj i byŭ zaprošany na pracu Uładzimir Vołkaŭ, — skazała infarmavanaja krynica. — «Interservis» zaraz zajmajecca madernizacyjaj Naftabitumnaha zavoda ŭ Červieńskim rajonie, jość płany pa realizacyi jašče niekalkich prajektaŭ. U pryvatnaści, kitajskaja karparacyja prajaŭlaje cikavaść da stvareńnia sumiesnaha pradpryjemstva ŭ naftachimii».

Nahadajem, u mai 2014 hoda Uładzimir Vołkaŭ byŭ prysudžany da vaśmi hadoŭ kałonii ŭzmocnienaha režymu z kanfiskacyjaj majomaści. Sud paličyŭ eks-namieśnika staršyni «Biełnaftachima» vinavatym u atrymańni chabaru ŭ bujnym pamiery. Sam Vołkaŭ nie pryznaŭ svaju vinu ŭ inkryminavanych jamu złačynstvach.

• 0
• 0
• 0
• 0
• 0
• 0