Homielskuju žurnalistku, siabra BAŽ Tacianu Bublikavu abvinavačvajuć va ŭdziele ŭ niesankcyjanavanym mierapryjemstvie.
Homielskuju žurnalistku, siabra BAŽ Tacianu Bublikavu abvinavačvajuć va ŭdziele ŭ niesankcyjanavanym mierapryjemstvie. Pra heta havorycca ŭ pratakole, jaki žurnalistcy pakazali padčas čarhovaha vykliku ŭ milicyju. Nahodaj stała prysutnaść žurnalistki na ekskursii, zładžanaj 23 sakavika ŭ Homieli hramadskimi aktyvistami z nahody 90‑ch uhodkaŭ BNR.
Pavodle pratakoła, jaki 14 krasavika T. Bublikavaj prapanavaŭ padpisać namieśnik načalnika adździeła ŭnutranych spraŭ Navabielickaha rajona Homiela Uładzimir Simak, jana abvinavačvajecca pavodle č.1 art. 23.34 KaAP («Parušeńnie vyznačanaha paradku arhanizacyi albo praviadzieńnia masavaha mierapryjemstva albo pikietavańnia») i art. 4.9 Zakona ab masavych mierapryjemstvach.
«Try razy mianie vyklikali jak śviedku pa spravie ab niesankcyjavanym masavym mierapryjemstvie, — raspaviała Taćciana Bublikava ŭ hutarcy sa słužbaj manitorynhu BAŽ. — Pytalisia, ź jakoj metaj ja tam była. Ja tłumačyła, što prysutničała ŭ jakaści karespandenta haziety «Tovariŝ»…»
U jakaści paćviardžeńnia žurnalistka pakazała milicyjantu paśviedčańnie siabra HA «BAŽ», redakcyjnaje paśviedčańnie, a taksama list ad redaktara «Tovariŝa» Siarhieja Vaźniaka, u jakim paviedamlałasia, što T. Bublikava sapraŭdy 23 sakavika vykonvała redakcyjnaje zadańnie.
U zaviaršeńni razmovy ŭ milicyi Taćcianie Bublikavaj paviedamili, što spravu nakiroŭvajuć na razhlad u sud.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było44
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było4
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary