Pierakryžavanaje subsidavańnie ŭ taryfach na elektraenierhiju abiacajuć likvidavać da 2020 hoda

Pierakryžavanaje subsidavańnie ŭ taryfach na elektraenierhiju likvidujuć u Biełarusi da 2020 hoda. Heta vynikaje z pastanovy Savieta Ministraŭ ad 1 sakavika 2016 hoda numar 169, jakoj zaćvierdžany kompleksny płan raźvićcia elektraenierhietyčnaj śfiery da 2025 hoda z ulikam uvodu Biełaruskaj AES, paviedamili ŭ pres-słužbie ŭrada.

Płan vyznačaje asnoŭnyja napramki raźvićcia elektraenierhietyki da 2025 hoda. Da ich adnosiacca: realizacyja navukova-techničnaj palityki, udaskanaleńnie taryfnaj palityki i narmatyŭnych pravavych aktaŭ, rehulujučych adnosiny ŭ elektraenierhietyčnaj śfiery, struktury kiravańnia enierhietyčnaj sistemaj, źniešnieekanamičnaje supracoŭnictva.

U kožnym napramku vydzieleny pryjarytetnyja pytańni. U pryvatnaści, u halinie techničnaj palityki patrabujuć uvahi pytańni, što ŭpłyvajuć na enierhietyčnuju biaśpieku: zbałansavanaje raźvićcio i madernizacyja hienieryrujučych krynic, madernizacyja sietkavaj infrastruktury.

Udaskanaleńnie taryfnaj palityki ŭklučaje raspracoŭku narmatyŭnych pravavych aktaŭ, rehulujučych pytańni farmiravańnia taryfaŭ na elektraenierhiju pa vidach dziejnaści (vytvorčaść, pieradača, raźmierkavańnie i prodaž) na padstavie raździelnaha ŭliku i ŭ adpaviednaści z etapami refarmavańnia enierhasistemy. Adnym ź mierapryjemstvaŭ płana abaznačana likvidacyja ŭ 2016-2020 hadach pierakryžavanaha subsidavańnia ŭ taryfach na elektraenierhiju z ulikam płanujemaha rostu realnych dachodaŭ nasielnictva i sistemy adrasnych datacyj asobnym katehoryjam hramadzian.

Pry ŭdaskanaleńni narmatyŭnych pravavych aktaŭ klučavymi źjaŭlajucca padrychtoŭka prajekta zakona «Ab elektraenierhietycy» i šerah mierapryjemstvaŭ, nakiravanych na intehracyju BiełAES u abjadnanuju enierhietyčnuju sistemu.

Vyznačeńnie markietynhavych pieravah dla aktyŭnaha ŭdziełu ŭ mižnarodnych rynkach pavinna dać mahčymaść pavialičyć abjom ekspartu elektraenierhii.

Adkazvać za kaardynacyju rabotu pa vykanańni płana budzie Ministerstva enierhietyki.

Mierapryjemstvy buduć finansavacca za košt srodkaŭ respublikanskaha biudžetu, ułasnych srodkaŭ arhanizacyj - vykanaŭcaŭ kompleksnaha płana, a taksama inšych krynic.

Respublikanskim orhanam dziaržkiravańnia i inšym dziaržarhanizacyjam, padparadkavanym uradu, abłvykankamam i Minharvykankamu daručana pradstaŭlać u Minenierha infarmacyju ab vykanańni płana štohod da 15 lutaha hoda, što idzie za spravazdačnym. Minenierha budzie akumuliravać hetyja źviestki i infarmavać Saŭmin da 1 sakavika.

• 0
• 0
• 0
• 0
• 0
• 0
• 0
• 0