Minpracy i sacabarony rastłumačyła paradak raźliku zarobkaŭ i dapamoh u suviazi z denaminacyjaj

Ministerstva pracy i sacyjalnaj abarony rastłumačyła paradak raźliku zarabotnaj płaty rabotnikaŭ, hrašovaha zabieśpiačeńnia, dapamoh i inšych vypłat u suviazi z praviadzieńniem denaminacyi aficyjnaj hrašovaj adzinki Biełarusi. Takaja infarmacyja raźmieščana na sajcie viedamstva.

Z 1 lipienia 2016 hoda vypłaty, ustanoŭlenyja narmatyŭnymi pravavymi aktami, u tym liku łakalnymi, u absalutnych (ličbavych) pamierach, padlahajuć źmianšeńniu ŭ 10 000 razoŭ.

Akruhleńnie źmienšanych pamieraŭ bazavych vypłat ažyćciaŭlajecca z ulikam dvuch znakaŭ paśla koski da najmienšaha naminału hrašovaha znaka (z 1 lipienia 2016 hoda - 1 kapiejka) uzoru 2009 hoda, jaki znachodzicca ŭ abaračeńni na terytoryi respubliki. Pry hetym kali pieršaja ź ličbaŭ, što adkidajucca (treciaja ličba paśla koski), bolšaja abo roŭnaja 5, to apošniaja z zachoŭvajemych ličbaŭ (druhaja ličba paśla koski) pavialičvajecca na adzinku, a kali pieršaja ź ličbaŭ, što adkidajucca (treciaja ličba paśla koski), mienšaja za 5, to pavieličeńnie nie pravodzicca (adkidajucca ličby paśla koski, pačynajučy z treciaj).

Vyličeńnie pamieru zarabotnaj płaty rabotnikaŭ, hrašovaha zabieśpiačeńnia vajennasłužačych, supracoŭnikaŭ, jakija majuć śpiecyjalnyja zvańni, suvoraŭcaŭ, vychavancaŭ voinskich čaściej, adnarazovych vypłat, piensij pravodzicca ŭ paradku, ustanoŭlenym zakanadaŭstvam.

Kožny raźličany elemient (pavyšeńni, nadbaŭki, dapłaty, premii i inš.) zarabotnaj płaty, piensii, dabavačny vid hrašovaha zabieśpiačeńnia, adnarazovaja vypłata padlahajuć ukazanamu akruhleńniu.

Anałahična ažyćciaŭlajecca akruhleńnie zarabotnaj płaty rabotnikaŭ inšych arhanizacyj, ustanoŭ, dziaržaŭnych orhanaŭ, a taksama hrašovaha zabieśpiačeńnia vajennasłužačych.

Pry vyličeńni (pieraraźliku) pamieraŭ dapamoh siemjam, jakija vychoŭvajuć dziaciej, dapamoh pa časovaj niepracazdolnaści i dapamoh na pachavańnie z 1 lipienia 2016 hoda vieličyni siaredniamiesiačnaj zarabotnaj płaty rabotnikaŭ u respublicy za kvartał, biudžetu pražytačnaha minimumu ŭ siarednim na dušu nasielnictva i siaredniaj zarabotnaj płaty rabotnikaŭ u respublicy za pieryjady da 1 lipienia 2016 hoda padlahajuć źmianšeńniu ŭ 10 000 razoŭ i akruhleńniu.

Pry vyličeńni (pieraraźliku) dapamoh pa časovaj niepracazdolnaści i pa ciažarnaści i rodach z 1 lipienia 2016 hoda sumy zarabotnaj płaty, premij i inšych vypłat (dachodu, uznaharodžańnia) za kožny miesiac pieryjadu (pieryjad), za jaki vyznačajecca pamier siaredniadzionnaha zarabotku (dachodu, uznaharodžańnia), da praviadzieńnia denaminacyi, padlahajuć źmianšeńniu ŭ 10 000 razoŭ da dvuch znakaŭ paśla koski.

***

Denaminacyja aficyjnaj hrašovaj adzinki pravodzicca zhodna z ukazam ad 4 listapada 2015 hoda numar 450 «Ab praviadzieńni denaminacyi aficyjnaj hrašovaj adzinki Respubliki Biełaruś» šlacham zamieny hrašovych znakaŭ uzoru 2000 hoda na hrašovyja znaki ŭzoru 2009 hoda ŭ suadnosinach 10 000 biełaruskich rubloŭ u hrašovych znakach uzoru 2000 hoda da 1 biełaruskaha rubla ŭ hrašovych znakach uzoru 2009 hoda.

• 0
• 0
• 0
• 0
• 0
• 0
• 0
• 0