Ułady Italii pryciahnuć kitajskich palicyjantaŭ dla patrulavańnia vulic u Rymie i Miłanie. Pra heta paviedamiŭ ministr unutranych spraŭ krainy Andželina Anfaro, pieradaje The Guardian. Pavodle jaho słoŭ, patruli, jakija składajucca z suajčyńnikaŭ, dapamohuć kitajskim turystam adčuvać siabie ŭ biaśpiecy.
«Ekśpierymient raspracoŭvaŭsia dla zručnaści turystaŭ z Kitaja. Kali jon budzie paśpiachovy, to my abdumajem novyja formy supracoŭnictva, uličvajučy najaŭnaść kitajskaj abščyny ŭ našaj krainie», — zajaviŭ Anfaro.
Palicyjanty, jakija prajšli navučańnie pad kiraŭnictvam italjanskich śpiecyjalistaŭ u Piekinie, buduć nasić formu, pryniatuju ŭ Kitai, kab hramadzianie KNR mahli ich paznavać. Patruli buduć pieradavać infarmacyju italjanskim pravaachoŭnikam i dapamahać suajčyńnikam kantaktavać ź miascovymi ŭładami pry nieabchodnaści.
U samim Kitai da zamiežnych turystaŭ staviacca z aściarohaj. Kitajcy stvaryli komiks, siužet jakoha nakiravany na pieraściarohu hramadzianak krainy, jakija pracujuć na dziaržaŭnych pasadach, ad ramantyčnych adnosin z zamiežnikami, u pryvatnaści turystami.
Pa siužecie inšaziemiec Devid zaviazvaje adnosiny ź dziaržsłužačaj Siao Li. Turyst zalacajecca da dziaŭčyny i robić joj darahija padarunki. Praź niekatory čas mužčyna pačynaje raspytvać kitajanku ab pracy i, padmanam atrymaŭšy sakretnyja źviestki, źviazanyja z palityčnym kursam krainy, źnikaje. Paśla taho, jak dziaŭčyna addaje kachanku kopii dakumientaŭ, jaje aryštoŭvajuć za razhałošvańnie dziaržaŭnych i vajennych tajamnic. U realnym žyćci za padobnaje złačynstva moža pahražać pazbaŭleńnie voli na termin ad piaci hadoŭ da pažyćciovaha.
Kamientary