HA «Cajuz biełaruskich piśmieńnikaŭ», Litaraturny dom «Łohvinaŭ» i Biełaruski PEN-Centr abviaščajuć konkurs ese i pierakładaŭ sučasnaj ukrainskaj litaratury «Zrazumiej Ukrainu».
Konkurs pravodzicca ŭ dźviuch naminacyjach:
1. Pierakład sučasnaj ukrainskaj litaratury (paezija, karotkaje apaviadańnie, ese).
2. Aŭtarskaje pračytańnie sučasnaj ukrainskaj litaratury (refierat abo ese, pryśviečanaje adnamu z sučasnych ukrainskich aŭtaraŭ albo kankretnamu tvoru).
Umovy konkursu. Da udziełu ŭ konkursie zaprašajucca školniki i studenty, maładziejšyja za 25 hod, jakija stała pražyvajuć u Biełarusi. Mova tvoraŭ — biełaruskaja, ruskaja, ukrainskaja.
Teksty ŭ elektronnym vyhladzie (farmat Word, 14 kiehl, maksimalny pamier pierakładu abo tvoru 20 staronak) treba dasłać na adras: [email protected]
Teksty prymajucca da 25 kastryčnika 2016 hoda.
Abviaščeńnie pieramožcaŭ adbudziecca naprykancy listapada.
Pieršyja miescy ŭ naminacyjach atrymajuć płanšet, druhija i trecija - čytałku. Usie ŭdzielniki atrymajuć knižnyja padarunki ad kniharni «Łohvinaŭ», i buduć zaprošanyja na majstar-kłas pa tvorčym piśmu.
U žury konkursa ŭvachodziać pradstaŭniki Litaraturnaha doma, Biełaruskaha PEN-Centra i HA «Cajuz biełaruskich piśmieńnikaŭ».
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary