Aficyjny pradstaŭnik MZS Maryja Zacharava zajaviła, što viedamstva prosić rastłumačyć na pasiadžeńni Rady Rasija — NATA 13 lipienia ŭzmacnieńnie aljansu pa ŭsich «azimutach». Tak jana prakamientavała vyniki sustrečy krain — členaŭ NATA.
U paviedamleńni, apublikavanym na sajcie rasijskaha źniešniepalityčnaha viedamstva, jaho aficyjny pradstaŭnik Maryja Zacharava adznačyła, što «pieršasny analiz vynikaŭ sustrečy (samita krain - členaŭ NATA ŭ Varšavie) pakazvaje, što NATA praciahvaje isnavać u niejkim vajskova-palityčnym «zalustarkoŭi».
«Nasupierak abjektyŭnym intaresam padtrymańnia miru i stabilnaści ŭ Jeŭropie, nieabchodnaści spałučeńnia patencyjałaŭ ŭsich adkaznych mižnarodnych hulcoŭ u supraćdziejańni realnym, a nie nadumanych vyklikam sučasnaści, aljans kancentruje svaje namahańni na «strymlivańni» nieisnujučaj «pahrozy z Uschodu», - padkreśliła aficyjny pradstaŭnik.
Palityka aljansu adarvanaja «ad sapraŭdy nadzionnych patrebaŭ pa abaronie i zabieśpiačeńniu biaśpieki hramadzian» svaich krain-členaŭ, kanstatavała jana, dadaŭšy, što heta vyjaŭlajecca «va ŭmacavańni nataŭskich fłanhaŭ na fonie biesprecedentnych pahrozy terarystyčnaj dziejnaści z paŭdniovaha napramku».
Pry hetym «zusim hipiertrafavanyja formy», na dumku Zacharavaj, nabyvajuć «sproby «demanizacyi» Rasiei z metaj apraŭdańnia krokaŭ u śfiery vajennaha budaŭnictva, adciahnieńnia ŭvahi ad destruktyŭnaj roli aljansu i jaho asobnych sajuźnikaŭ u pravakavańni kryzisaŭ i padtrymańni ahmieniaŭ napružanaści ŭ roznych rehijonach śvietu».
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym7
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary