Афіцыйны прадстаўнік МЗС Марыя Захарава заявіла, што ведамства просіць растлумачыць на пасяджэнні Рады Расія — НАТА 13 ліпеня ўзмацненне альянсу па ўсіх «азімутах». Так яна пракаментавала вынікі сустрэчы краін — членаў НАТА.
У паведамленні, апублікаваным на сайце расійскага знешнепалітычнага ведамства, яго афіцыйны прадстаўнік Марыя Захарава адзначыла, што «першасны аналіз вынікаў сустрэчы (саміта краін - членаў НАТА ў Варшаве) паказвае, што НАТА працягвае існаваць у нейкім вайскова-палітычным «залюстаркоўі».
«Насуперак аб'ектыўным інтарэсам падтрымання міру і стабільнасці ў Еўропе, неабходнасці спалучэння патэнцыялаў ўсіх адказных міжнародных гульцоў у супрацьдзеянні рэальным, а не надуманых выклікам сучаснасці, альянс канцэнтруе свае намаганні на «стрымліванні» неіснуючай «пагрозы з Усходу», - падкрэсліла афіцыйны прадстаўнік.
Палітыка альянсу адарваная «ад сапраўды надзённых патрэбаў па абароне і забеспячэнню бяспекі грамадзян» сваіх краін-членаў, канстатавала яна, дадаўшы, што гэта выяўляецца «ва ўмацаванні натаўскіх флангаў на фоне беспрэцэдэнтных пагрозы тэрарыстычнай дзейнасці з паўднёвага напрамку».
Пры гэтым «зусім гіпертрафаваныя формы», на думку Захаравай, набываюць «спробы «дэманізацыі» Расеі з мэтай апраўдання крокаў у сферы ваеннага будаўніцтва, адцягнення ўвагі ад дэструктыўнай ролі альянсу і яго асобных саюзнікаў у правакаванні крызісаў і падтрыманні агменяў напружанасці ў розных рэгіёнах свету».
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары