Spartyŭny arbitražny sud (CAS) zadavoliŭ apielacyju rasijskaj lohkaatletki Darji Klišynaj na rašeńnie Mižnarodnaj asacyjacyi lohkaatletyčnych fiederacyj (IAAF) nie dapuścić jaje da ŭdziełu ŭ Alimpijadzie ŭ Rya-de-Žaniejra. Pra heta ŭ paniadziełak, 15 žniŭnia, paviedamlaje Reuters.
«Baki byli prainfarmavanyja, što ŭ spartsmienki zastajecca prava pryniać udzieł u Hulniach-2016», — havorycca ŭ rašeńni suda.
Słuchańni pa spravie spartsmienki adbylisia 14 žniŭnia i praciahvalisia bolš za čatyry hadziny. Jašče niekalki hadzin spatrebiłasia na pryniaćcie rašeńnia.
«Sudziejskaja panel była suśvietnaha kłasa, jany całkam zrazumieli pytańnie», - skazaŭ advakat spartsmienki Poł Hryn paśla zaviaršeńnia pasiadžeńnia. Pavodle jaho słoŭ, IAAF nie vykazała sumnieńniaŭ u tym, što Klišyna — «čysty» atlet.
Raniej u niadzielu pradstaŭnik Mižnarodnaha alimpijskaha kamiteta (MAK) Mark Adams zajaviŭ, što ŭ vypadku pośpiechu ŭ CAS spartsmienka projdzie ŭsie try prystupki dopusku da Hulniaŭ, užytaha da astatnich rasijanaŭ.
***
13 žniŭnia stała viadoma, što IAAF adchiliła Klišynu ad udziełu ŭ Alimpijskich Hulniach, niahledziačy na toje, što raniej dapuściła jaje. Dyskvalifikavać dziaŭčynu było vyrašana paśla vyvučeńnia dakładu niezaležnaj kamisii Suśvietnaha antydopinhavaha ahienctva (WADA) na čale z kanadskim jurystam Ryčardam Makłarenam.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary