Raz na tydzień na chvalach Aŭtaradyjo budzie hučać biełaruska-polski radyjny prajekt. Kožny čaćvier a 17.00 na chvali 105.1 FM možna budzie pačuć pieradaču «Varšaŭski most».
Raz na tydzień na chvalach Aŭtaradyjo budzie hučać biełaruska-polski radyjny prajekt. Kožny čaćvier a 17.00 na chvali 105.1 FM možna budzie pačuć pieradaču «Varšaŭski most».
Słuchačy biełaruskaj stalicy dy vakolicaŭ atrymajuć mahčymaść paznajomicca z sučasnaj polskaj muzykaj, daviedacca pra susiedniuju krainu ŭ kantekście kultury, ekanomiki, tradycyj, a taksama nahadać sabie supolnuju historyju Polščy i Biełarusi. Akramia taho, Polskaje radyjo padrychtavała šmat cikavych padarunkaŭ, a kab ich atrymać, treba padčas efiru adkazać na niaciažkija pytańni. Nahadaju, što heta supolny prajekt Aŭtaradyjo dy Biełaruskaj słužby Polskaha radyjo. Razam z Valeram Saŭkam z Polskaha radyjo u studyi pracuje Fal Puciovy, žurnalist minskaj radyjostancyi.
Supracoŭnictva Polskaha radyjo ź minskim Aŭtaradyjo praciahvajecca ŭžo piać hadoŭ. Pieršapačatkova pieradačy Polskaha radyjo hučali na chvalach u Minsku dva razy ŭ hod. Ciapier formuła mianiajecca, i hadzinnuju pieradaču možna słuchać kožny čaćvier. Padčas apošniaj pieradačy ŭ krasaviku ŭ efir sprabavała datelefanavacca kala 10 tys. čałaviek.
Aŭtaradyjo było zasnavanaje na pačatku 90-ch. Heta, badaj, adzinaja kamiercyjnaja radyjostancyja ŭ Biełarusi, jakaja naležnuju ŭvahu addaje mienavita biełaruskaj muzycy. Akramia taho, častka pieradač na Aŭtaradyjo hučyć pa-biełarusku. Aŭdytoryja zhadanaj minskaj radyjostancyi składaje kala 3 młn. čałaviek.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary