Supracoŭniki Bresckaj mytni spynili dziejnaść złačynnaj hrupy, jakaja zajmałasia ŭvozam u Biełaruś, a zatym i zbytam niebiaśpiečnych narkotykaŭ i psichatropaŭ. Infarmacyju pra heta BIEŁTA padali ŭ mytni.
Padčas dahladu ŭ mytnym punkcie «Varšaŭski most» aŭtamabila Nissan u kiroŭcy transpartnaha srodku ŭ vopratcy znajšli 198 tabletak ekstazi i pakunačak z 8,5 h kakainu. Kiroŭca, hramadzianin Francyi, akazaŭsia kurjeram.
Byŭ znojdzieny i zamoŭca. Im akazałasia hramadzianka Biełarusi, jakuju zatrymali ŭ Minsku supracoŭniki mytni i pravaachoŭniki. Na dadzieny momant vyśviatlajucca inšyja asoby, jakija majuć dačynieńnie da złačynnaj dziejnaści mižnarodnaj hrupy.
Dziejańni zatrymanych kvalifikavali pa č. 2 art. 328-1 i č. 3 art. 328 KK Biełarusi. Na dadzieny momant jany zaklučanyja pad vartu. Im pahražaje da 15 hadoŭ pazbaŭleńnia voli z kanfiskacyjaj.
Raniej u žychara Barysava doma znajšli pamiaškańnie, jakoje pryznačałasia dla vyroščvańnia marychuany. Uradžaj jon chavaŭ u sistemnym błoku za kanapaj. Jaho dziejańni kvalifikavali pa č. 2 art. 328 KK Biełarusi.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom14
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary