Jeŭrapiejskaja kamisija ŭ aŭtorak, 13 červienia, vyrašyła pačać štrafnuju praceduru ŭ dačynieńni da Vienhryi, Polščy i Čechii, jakija admaŭlajucca prymać biežancaŭ, jakija prybyli ŭ Italiju i Hrecyju, i tym samym nie vykonvajuć praviła pieraraźmierkavańnia, zaćvierdžanaje Brusielem u 2015 hodzie, piša DW.
«Na žal, niahledziačy na nieadnarazovyja zakliki, Češskaja Respublika, Vienhryja i Polšča ŭ parušeńnie svaich jurydyčnych abaviazacielstvaŭ, a taksama abaviazacielstvaŭ pierad Hrecyjaj, Italijaj i inšymi krainami ES da hetaha času nie raspačali nieabchodnyja kroki», — havorycca ŭ zajavie Jeŭrakamisii.
Udzieł u pieraraźmierkavańni biežancaŭ nie źjaŭlajecca dobraachvotnym, padkreśliŭ kamisar ES pa ŭnutranych spravach i pytańniach mihracyi Dzimitrys Aŭramopułas. «Pryjšoŭ čas dziejničać», — zajaviŭ Aŭramopułas na pasiadžeńni ŭ Strasburhu 13 červienia. Jon vykazaŭ nadzieju na toje, što krainy, jakija admaŭlajucca prymać biežancaŭ, buduć kiravacca «nie tolki rozumam, ale i jeŭrapiejskim ducham» i prajaviać «salidarnaść na praktycy».
Jeŭrakamisija nakiruje ŭradam usich troch krain aficyjnyja prośby rastłumačyć pryčynu nievykanańnia imi damoŭlenaściaŭ pa pieraraźmierkavańnia biežancaŭ. Kali Brusiel paličyć adkazy Prahi, Budapiešta, Varšavy niezdavalniajučymi i pryjdzie da vysnovy, što Vienhryja, Polšča i Čechija nie vykonvajuć abaviazacielstvy ŭ ramkach zakanadaŭstva ES, im daduć termin — jak praviła, dva miesiacy — na praciahu jakoha jany abaviazany vykanać patrabavańni. Kali i paśla hetaha nie buduć pryniatyja nieabchodnyja miery, Jeŭrakamisija źvierniecca z pazovam u sud ES, jaki maje prava abaviazać parušalnikaŭ vykanać patrabavańni Brusiela i, akramia taho, padvierhnuć hetyja dziaržavy hrašovym štrafam.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary