Ułady Biełarusi daručyli Citi group i Raiffeisen Bank International arhanizavać sustrečy ź inviestarami z pryčyny raźmiaščeńnia dalaravych jeŭrabondaŭ. Pra heta paviedamlaje ahienctva Rejter sa spasyłkaj na krynicy ŭ bankach. Płanujecca, što tak zvanaje road show projdzie na nastupnym tydni ŭ ZŠA i Jeŭropie.
U 2016 hodzie ministr finansaŭ Biełarusi Uładzimir Amaryn kazaŭ, što Biełaruś płanuje pryciahnuć da 1 młrd dalaraŭ ad raźmiaščeńnia jeŭrabondaŭ. Raźmiaščacca płanavałasia na siamihadovy termin, kab «ŭličyć usie našy pikavyja płaciažy i nie pavialičvać ich».
Pa dadzienych Rejter, čakajecca raźmiaščeńnie dvuch tranšaŭ jeŭraablihacyj - 5-hadovych i 10-hadovych.
Adna kamanda naviedaje Łondan, Ciurych i Frankfurt, a druhaja delehacyja sustreniecca ź inviestarami ŭ Łos-Andželesie, Ńju-Jorku i Bostanie. Road show projdzie 19-21 červienia.
Biełaruś płanuje viarnucca na mižnarodny pazykovy rynak paśla praciahłaj paŭzy. U studzieni 2011 hoda 7-hadovyja suvierennyja jeŭraablihacyi raźmiaščalisia na 800 młn dalaraŭ pad 8,95%. Heta adziny vypusk jeŭrabondaŭ Biełarusi, jaki znachodzicca ŭ abaračeńni. U lipieni 2015 hoda Minfin pahasiŭ 1 młrd dalaraŭ pa debiutnych jeŭrabondach, raźmieščanych u 2010 hodzie. Vypłata adbyłasia ŭ asnoŭnym za košt pastupleńniaŭ mytnych pošlin i zapazyčańnia na rasijskim rynku.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary