Kali darosłyja hulajucca ŭ mašynki: brat napiŭsia i raźbiŭ aŭto brata

Svoj aŭtamabil Siarhiej Bandarenka* vykarystoŭvaŭ jak samastojna, tak i davaŭ rodnamu bratu Alaksandru: u volny ad asnoŭnaj pracy čas chłopcy zajmalisia pryvatnym voźnictvam. Vydatki na ŭtrymańnie aŭto raźmiarkoŭvali paroŭnu, što dazvoliła im niekalki hadoŭ zabiaśpiečvać siamju jašče adnoj krynicaj prybytku.

Za adzin dzień siamiejny biznes nie tolki prypyniŭ svajo isnavańnie, ale i sapsavaŭ adnosiny pamiž blizkimi ludźmi. Siarhiej i Alaksandr vyjechali adpačyć na pryrodu. Vypili. Čamuści zamiest taho, kab paprasić kahości z kaleh davieźci ich dadomu, mužyki vyrašyli razrulić pytańnie samastojna. Za baranku sieŭ niećviarozy Alaksandr i… nie daŭ rady kiravańniu. U vyniku — zabarona kiravać lubymi transpartnymi srodkami na praciahu troch hadoŭ. Siarhiej ža, spasłaŭšysia na toje, što spaŭ i nie pieradavaŭ mašynu bratu, zmoh paźbiehnuć administracyjnaj adkaznaści.

A što rabić z aŭto? Raźbitaje adnaŭleńniu nie padlahała.

Siarhiej prapanavaŭ bratu skinucca pa $2000 ź nievialikim, kab nabyć novy aŭtamabil: pryblizna stolki ž kaštavaŭ papiaredni. Adnak Alaksandr admoviŭsia ad takoha varyjanta: na jaho pohlad, za hady karystańnia mašynaj jon ukłaŭ u jaje šmat srodkaŭ, staŭšy paŭnacennym ułaśnikam «pałovy» techniki (praŭda, dakumientalna heta nijak nie było zafiksavana). Akramia taho, try hady svajho žyćcia jon usio roŭna budzie biez pravoŭ: dyk navošta tady aŭto?

Sprečku razhladali u Vyjaznym traciejskim sudzie. Uličvajučy, što ciopłyja adnosiny pamiž bratami jašče nie zhubilisia, supracoŭniki suda zmahli prymiryć ich na ŭmovach nabyćcia novaha aŭtamabila pa bolš ścipłaj canie. Na budučyniu ž usie pahadzilisia, što ŭmovy vykarystańnia ahulnych rečaŭ treba afarmlać dakumientalna. Kali ty, kaniečnie, nie hatovy dać pahulacca z mašynaj bratu darmova, navat kali heta budzie jaje apošniaja hulnia.

Pavialičyć

Što takoje Vyjazny traciejski sud? Cikavyja fakty pra alternatyvu dziaržaŭnym sudam

1. Pieršaje zhadvańnie ab traciejskim sudzie na našych ziemlach datujecca 1649 hodam, kali ŭ «Sabornym ułažeńni» jaho rašeńnie pryraŭniali da vysnoŭ suda dziaržaŭnaha.
2. Siońnia ŭ našaj krainie na pastajannaj asnovie dziejničajuć try traciejskija sudy. Jany razhladajuć sprečki, što ŭźnikajuć z hramadzianskich, siamiejnych, pracoŭnych, administracyjnych, ziamielnych, finansavych i inšych pravaadnosin.
3. Vyjazny traciejski sud źjaŭlajecca niekamiercyjnaj arhanizacyjaj, jakaja nie ŭvachodzić u sudovuju sistemu Biełarusi. Na karyść niezaležnaści vyjaznych traciejskich sudoŭ śviedčyć taksama ich niekarumpavanaść: historyja nie viedaje prykładaŭ pryciahnieńnia traciejskich sudździaŭ da kryminalnaj i inšych mier adkaznaści, u adroźnieńnie ad słužbovych asobaŭ sudoŭ dziaržaŭnych.
4. Traciejski razbor ažyćciaŭlajecca ŭ sproščanaj formie, biez vykanańnia ŭsich farmalnaściaŭ, u lubym miescy Biełarusi, u bolš karotkija terminy i ŭ kanfidencyjalnaj formie.

*Imiony hierojaŭ źmienieny.

• 0
• 0
• 0
• 0
• 0
• 0