CVK prapanavaŭ pravieści miascovyja vybary 18 lutaha 2018 hoda
Centralnaja vybarčaja kamisija Biełarusi prapanuje pravieści vybary ŭ miascovyja saviety deputataŭ 18 lutaha, paviedamiła Svabodzie staršynia Centralnaj vybarčaj kamisii Lidzija Jarmošyna:
«My razhladali dźvie mahčymyja daty: 11 i 18 lutaha. I ŭžo schilalisia da 11-ha. Ale kali pačali razhladać mahčymy hrafik praviadzieńnia ŭsioj vybarčaj kampanii, to vyśvietliłasia, što, pavodle Vybarčaha kodeksu, apošni dzień padačy dakumentaŭ na stvareńnie ŭčastkovych kamisij prypadaje na apošni dzień sioletniaha hodu. Da taho ž 31 śniežnia jašče i niadziela. Zrazumieła, što taki varyjant bolš čym niazručny.
I jašče adna važnaja detal. 11 lutaha ŭ studentaŭ mnohich navučalnych ustanovaŭ jašče vakacyi. A studenty, pavodle vybarčaha zakanadaŭstva, mohuć hałasavać tolki pa miescy vučoby.
Tamu my admovilisia ad daty 11-ha lutaha i spynilisia na 18-m lutaha. Heta, darečy, pavodle taho ž Vybarčaha kodeksu, apošniaja mahčymaja data praviadzieńnia vybaraŭ».
Zahad ab praviadzieńni vybaraŭ maje padpisać Alaksandar Łukašenka.
Papiarednija miascovyja vybary ŭ krainie adbylisia 23 sakavika 2014 hodu. Jany prajšli «niezaŭvažna», 88% akruhaŭ nia mieli vybaru. Naziralniki fiksavali šerah parušeńniaŭ, asnoŭnaje ź jakich — prymus da hałasavańnia.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary