Śpiecyjalisty z NASA prademanstravali humanoidnaha robata Valkyrie, jaki, jak miarkujecca, zmoža bieź ciažkaści kročyć pa niaroŭnym marsijanskim reljefie i dapamahać ludziam daśledavać Čyrvonuju płanietu. U jaho stvareńni ŭdzielničaŭ Kaśmičny centr imia Lindana Džonsana, paviedamlajuć infarmahienctvy.
U paraŭnańni ź minułymi rolikami ahrehat dasiahnuŭ istotnaha prahresu. Kali raniej jon moh stajać na adnoj nazie i ździajśniać najpraściejšyja apieracyi, dyk ciapier śpiektr jaho ruchaŭ značna pašyryŭsia. U pryładu ŭmantavanyja zvyš 200 datčykaŭ. Jany raźmiaščajucca na hałavie, nahach, žyvacie i plačach.
Prakładajučy maršrut ruchu, robat karystajecca lidarami (heta technałohija atrymańnia i apracoŭki infarmacyi ab addalenych abjektach z dapamohaj aktyŭnych aptyčnych sistem, jakija vykarystoŭvajuć źjavy adlustravańnia śviatła i jaho raśsiejvańnia ŭ prazrystych i napaŭprazrystych asiarodździach) i šukaje samuju płoskuju pavierchniu dla taho, kab zrabić čarhovy krok. Zrešty, na Marsie ludziam spatrebiacca nie tolki «chadavyja» navyki razumnaj mašyny, ale i mahčymaść ździajśniać inšyja apieracyi, pra jakija raspracoŭščyki pakul nie paviedamili.
Aficer-pahraničnik, jaki prajšoŭ praz turmu, raskazvaje pra žyćcio «da» i «paśla» dyj nie škaduje słoŭ pahardy dla amapaŭcaŭ3
Kamientary