Na praśpiekcie Dziaržynskaha sabralisia budavać dzieviacipaviarchovy parkinh dla žylcoŭ doma
Kampanija «Ajron» vykupiła na aŭkcyjonie ŭčastak dla budaŭnictva doma ŭzdoŭž praśpiekta Dziaržynskaha. Šmatpaviarchovik budzie znachodzicca pamiž stancyjaj mietro «Piatroŭščyna» i vulicaj Alibiehava. Heta svojeasablivy praciah «maskoŭskich» słupkoŭ, jakija ŭzvodziŭ pa susiedstvie rasijski inviestar.
Cikavaje ŭ hetaj situacyi toje, jak zabudoŭščyk płanuje vyrašyć prablemu z parkoŭkami — budaŭnictvam dzieviacipaviarchovaha (!) parkinha. Pra heta zajaviŭ u intervju Tut.by dyrektar kampanii «Ajron» Valer Šamryła.
— Vy patrapili pad abaviazacielstva budavać adno parkovačnaje miesca na adnu kvateru?
— Na adnu kvateru prychodzicca bolš čym adno parkovačnaje miesca. My praduhledzieli i heta: u dvary sprajektavany padziemny parkinh, za miežami dvarovych terytoryj — adkrytyja stajanki, a ŭ krokavaj dastupnaści, kala «Biełarusbanka» - jomisty parkinh na 1300 mašyn. Heta značyć zaprajektavana dastatkovaja kolkaść parkovačnych miescaŭ — i dla kvater, i dla pamiaškańniaŭ hramadskaha pryznačeńnia.
— Kala «Biełarusbanka» maleńki ŭčastak. Jak tam raźmiaścić 1300 mašyn?
— Budziem budavać ŭvierch. Pakul hety parkinh bačycca dzieviacipaviarchovym.
— Heta budzie samy vyšynny parkinh ŭ krainie.
— Tak, kali budzie taki rejtynh, my dakładna zojmiem pieršaje miesca.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT11
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary