Były prezident Hruzii i eks-hubiernatar Adeskaj vobłaści Michaił Saakašvili zajaviŭ pra pahrozy ŭ svoj adras z boku prezidenta Ukrainy Piatra Parašenki. Pra heta jon paviedamiŭ u intervju «Ukrainskaj praŭdzie».
«U mianie była dvuchhadzinnaja sustreča z Parašenkam u sakaviku hetaha hoda na Malcie. Heta byli dźvie hadziny pahroz i šantažu ź jaho boku. Z tych časoŭ ja sutykaŭsia z roznymi niepryjemnaściami, ja dumaju, što heta było jaho apošniaje papiaredžańnie», — zajaviŭ jon.
Pa słovach Saakašvili, Parašenka sam prapanavaŭ jamu sustrecca na Malcie.
«Jon mnie kazaŭ, što ja pavinien spynicca, pierastać krytykavać, jak jon kazaŭ, razhojdvać Ukrainu, vykonvać płan Pucina… na što ja zaśmiajaŭsia jamu ŭ tvar. Ja jamu skazaŭ, što «płan Pucina» — heta toje, što jon robić. Tamu što jon ustalavaŭ stratehičny aljans z Achmietavym, trymaje ŭ parłamiencie Chamutyńnika i inšych baryh, i ź imi damaŭlajecca. Ja liču, što heta — «płan Pucina» značna bolš, čym toje, što ja rablu», — adznačyŭ Saakašvili.
Taksama eks-hubiernatar zajaviŭ, što Parašenka, u vypadku, kali jon «supakoicca», abiacaŭ jamu na nastupnych parłamienckich vybarach frakcyju ŭ parłamiencie i «svaju maleńkuju nišu va ŭkrainskaj palitycy».
«Druhoje — jon skazaŭ, što kali ja pasprabuju razhojdvać dalej situacyju i damahacca daterminovych vybaraŭ, to, pa-pieršaje, jon hatovy ŭvodzić vajennaje stanovišča. Na što ja jamu skazaŭ, što ŭ jaho takich sił niama, z čym jon byccam by pahadziŭsia. Tamu jon skazaŭ, što navat kali my nie ŭviadziem vajennaje stanovišča, my budziem prymać indyvidualnyja miery. I tak pahroźliva na mianie pahladzieŭ», — raspavioŭ Saakašvili.
Taksama pa jaho słovach, Parašenka pytaŭsia, čamu jon krytykuje jaho, a nie, naprykład, Cimašenka abo Avakava.
«Ja skazaŭ, što ja krytykuju usiu ŭładu, asabliva Avakava, ale paśla taho, jak jon staŭ całkam kantralavać urad, usia adkaznaść lažyć na im. Kali Cimašenka pryjdzie da ŭłady, jana stanie abjektam cikavaści», — adkazaŭ Saakašvili.
Jak viadoma, 26 lipienia nardepy Radykalnaj partyi zajavili, što eks-prezidenta Hruzii i byłoha kiraŭnika Adeskaj abłasnoj dziaržadministracyi pazbavili hramadzianstva Ukrainy. Dziaržaŭnaja mihracyjnaja słužba Ukrainy paćvierdziła pazbaŭleńnie Saakašvili hramadzianstva, paćvierdžańnie ad Administracyi prezidenta źjaviłasia tolki ŭ čaćvier, 27 lipienia.
Sam Saakašvili napiaredadni palacieŭ u ZŠA. Jon zajaviŭ, što budzie damahacca viartańnia va Ukrainu.
Situacyju z hramadzianstvam Saakašvili prezident Ukrainy da hetaha času nijak nie kamientuje.
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy51
Kamientary