U Maskvie zabity suzasnavalnik i hiendyrektar adnaho z akieanaryumaŭ, raspačataja kryminalnaja sprava. Pra heta paviedamlajuć infarmahienctvy sa spasyłkaj na pres-słužbu staličnaha hłaŭka Śledčaha kamiteta Rasii.
Jak udakładniaje Interfaks, havorka idzie pra 52-hadovaha biznesoŭca Andreja Čarnova, hiendyrektara «Krokus Sici Akijanaryum».
Pavodle danych SK, zabojstva było ŭčynienaje ranicaj 4 žniŭnia ŭ Suvoraŭskim parku. Nieviadomy nie mienš za šeść razoŭ streliŭ u top-mieniedžara, i toj pamior na miescy. Jakich-niebudź viersij taho, što adbyłosia, śledstva nie nazyvaje.
Krynica ŭ pravaachoŭnych orhanach paviedamiła TASS, što Čarnova zastrelili padčas jaho ranišniaj prabiežki. Pavodle źviestak surazmoŭcy ahienctva, strełaŭ było siem. «Sa słoŭ svajakoŭ i znajomych zabitaha, u jaho nie było nijakich prablem ź biahučym biznesam abo kanfliktaŭ z kankurentami», — dadaŭ jon. U toj ža čas «Maskoŭski kamsamolec» miarkuje, što zabojstva mahło być zakaznym.
Akijanaryum u handlovym centry «Krokus Sici», raźmieščanym u padmaskoŭnym Krasnahorsku kala MKAD, byŭ adkryty ŭ kancy 2016 hoda.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym3
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary