Kiroŭca taksi, jaki ŭrezaŭsia ŭ aŭtobus na skryžavańni MKAD i vulicy Mirašničenki, byŭ pjany. Pra heta auto.tut.by paviedamiła aficyjny pradstaŭnik SK Biełarusi Julija Hančarova.
— USK pa Minsku praciahvaje rasśledavańnie kryminalnaj spravy. Śledstvam ustanoŭlena, što a 2 hadzinie nočy kiroŭca taksi pierastaŭ prymać zakazy. Vyśvietliłasia, što jon i pasažyry byli znajomyja i razam pravodzili čas. Jak akazałasia, napiaredadni jany razam ŭžyvali ałkahol, — raspaviała Julija Hančarova.
Taksama śledčyja kanfiskavali videazapis momantu avaryi, na jakim vidać, što aŭtamabil taksi pierad sutyknieńniem nie tarmaziŭ. Ekśpiertyza ŭstanaviła, što ŭ kryvi kiroŭcy ŭtrymlivałasia 1,54 pramile ałkaholu. Ciapier jon i pasažyr, što zastaŭsia ŭ žyvych, znachodziacca ŭ reanimacyi.
Nahadajem, avaryja adbyłasia ranicaj 17 žniŭnia: sutyknulisia rejsavy aŭtobus i taksi. Pavodle papiaredniaj infarmacyi, «Reno» jechaŭ pa vulicy Mirašničenki, zajazdžajučy ŭ horad, aŭtobus jechaŭ z boku vulicy Hamarnika i vykonvaŭ levy pavarot na d/s «Zialony łuh - 6».
U vyniku DTZ 19-hadovaja pasažyrka taksi ad atrymanych traŭmaŭ pamierła na miescy zdareńnia. Kiroŭca lehkavika i jašče dva pasažyry byli dastaŭleny ŭ balnicu, dzie adzin z pasažyraŭ pamior.
USK pa Minsku zaviało kryminalnuju spravu.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii19
Kamientary