U kantrakcie Miesi ŭkazanaja suma adstupnych €300 miljonaŭ, i kali hetaja suma budzie prapanavana, u «Barsiełony» nie budzie lehalnych sposabaŭ utrymać futbalista. «Haradžanie» ŭžo pačali pieramovy z samim hulcom, piša rbc.ru.
Pradstaŭniki «Mančestera Sici» sustrelisia z ahientami Miesi ŭ niadzielu, 20 žniŭnia. Pa źviestkach Daily Record, Miesi surjezna razhladaje varyjant z sychodam z katałonskaha kłuba.
Miesi ŭ lipieni pahadziŭsia praciahnuć kantrakt z «Barsiełonaj» na čatyry hady. Pa hetaj damovy jon pavinien byŭ stać samym vysokaapłatnym hulcom śvietu. Adnak vice-prezident «Barsiełony» Chordzi Miestre 17 žniŭnia raspavioŭ, što Miesi daŭ zhodu na padaŭžeńnie kantraktu, adnak samo pahadnieńnie jašče nie padpisaŭ.
Kali «Mančester Sici» kupić Miesi u «Barsiełony», arhienciniec stanie samym darahim futbalistam śvietu. Ciapier hety śpis uznačalvaje Nejmar, za jakoha «Barsiełona» atrymała €222 młn. Raniej rekord naležaŭ «Mančesteru Junajted», jaki kupiŭ Pola Pahba ŭ «Juvientusa» za €105 miljonaŭ.
Kamientary