U sieradu słupok termometru apuścicca ŭdzień da +10°C. Prahnoz nadvorja ŭ Biełarusi na 9—11 vieraśnia.
Zhodna z prahnozam Respublikanskaha hidramieteacentra, 9 vieraśnia ŭ Biełarusi čakajecca vobłačna z prajaśnieńniami. Na bolšaj častcy terytoryi karotkačasovyja daždžy, nočču miescami mocnyja daždžy.
U asobnych rajonach navalnicy. Ranicaj miesiacami tuman. Viecier paŭdniovy ź pierachodam na zachodni 4—9 m/s, pry navalnicach paryvy da 14 m/s. Tempieratura pavietra nočču plus 12—19°C, dniom plus 16—22°C, pa Homielskaj vobłaści da plus 24°C.
U Minsku 9 vieraśnia vobłačna z prajaśnieńniami, karotkačasovy doždž, mahčyma navalnica. Ranicaj słaby tuman. Viecier paŭdniovy ź pierachodam na zachodni 4—9 m/s, pry navalnicy paryvy da 14 m/s. Tempieratura pavietra nočču plus 15—17°C, dniom plus 17—19°C.
U nastupnyja dvoje sutak, 10—11 vieraśnia, u Biełarusi budzie vobłačna z prajaśnieńniami. 10 vieraśnia pieravažna pa paŭnočna-uschodniaj pałovie karotkačasovyja daždžy. Nočču i ranicaj słaby tuman. Viecier paŭnočna-zachodni 4—9 m/s, dniom paryvy da 14 m/s. Tempieratura pavietra nočču plus 7—13°C, dniom plus 12—18°C, u paŭdniova-zachodnich rajonach da plus 20°C. 11 vieraśnia miescami pa ŭschodniaj pałovie karotkačasovyja daždžy. Viecier paŭnočnaj čverci 4—9 m/s, dniom paryvy da 14 m/s. Tempieratura pavietra nočču plus 5—11°C, dniom plus 10—16°C, u paŭdniova-zachodnich rajonach da plus 18°C.
U Minsku 10 vieraśnia vobłačna z prajaśnieńniami. Nočču bieź istotnych apadkaŭ, dniom karotkačasovy doždž. Viecier paŭnočna-zachodni 4—9 m/s, dniom paryvy da 12 m/s. Tempieratura pavietra nočču plus 10—12°C, dniom plus 15—17°C.
Kamientary