Rasiejcy chočuć pastaŭlać naftu ŭ Eŭropu, minujučy naftapravod «Družba»
Rasieja prapanavała Čechii pazbavicca ad naftavych pasiarednikaŭ, paviedamlajuć českija ŚMI sa spasyłkaj na miascovych čynoŭnikaŭ.
Rasiejcy prapanujuć čecham naładzić pastaŭki nafty naŭprost, abminajučy krainy, pa terytoryi jakich siońnia prachodzić naftapravod «Družba». Pakul detali prapanovy Maskvy nieviadomyja, piša českaja «Prague Daily». Adnak, kali Praha prymie takuju prapanovu, ad jaje realizacyi pacierpiać krainy‑tranzyciory, Biełaruś u tym liku, pa terytoryi jakoj prachodzić paŭnočny ŭčastak naftapravodu.
Prapanovy aficyjnaha Miensku pryvatyzavać pradpryjemstvy pa transparcie nafty «Družba» ŭ Navapołacku i Homieli trochi spaźnilisia, piša hazeta «Biełorusy i rynok». Najbolš vierahodnym suuładalnikam nazyvajecca rasiejskaja manapolnaja kampanija «Transnafta», kiraŭnictva jakoj nie chavaje svajho intaresu da prapanovy biełaruskaha boku. Adnak vyklikaje sumnieŭ, što Maskva admovicca ad realizacyi prajektu BTS‑2 — alternatyŭnaha «Družbie» naftapravodu. Kolki dzion tamu «Transnafta» paviedamiła, što ciaham vieraśnia čakaje padpisańnia ŭradavaj pastanovy pra pačatak budaŭnictva BTS‑2.
Kamientary