Pieršy hluk «BieSTu»
Startavała reklamnaja kampanija novaha, całkam dziaržaŭnaha aperatara na rynku mabilnaj suviazi — kampanii «BieST». I adrazu pieršy abłom.
Kab pryciahnuć uvahu da kampanii, administratary sajtu novaha aperatara vyviesili apytańnie — «Kolkim abanentam vy telefanujecie?». Vyniki zandažu, jaki praciahvaŭsia z 6 pa 14 śniežnia, nie mahli nie šakavać menedžment firmy. Kali zychodzić ź ich, to prajekt absalutna biesperspektyŭny. Absalutnaja bolšaść (81%) z 3500 čałaviek vybrali apošni, piaty punkt — «Ja nie telefanuju ŭvohule».
Vidavočna, što mieŭ miesca banalny ździek z kampanii. Adnak samaje prykolnaje ŭ tym, što ruch prykolščykaŭ nia byŭ spantannym. Jak kažuć siabry, apošnim časam siarod karystalnikaŭ Internetu i ŭładalnikaŭ mabił pajšła modnaja «dvižucha» — praz «myła» abo esemesku zaklikać siabroŭ i ŭsich ludziej dobraj voli zajści na sajt «BieSTu» i vybrać piaty punkt.
Pa sutnaści, heta fenomen hramadzkaha pratestu srodkami Internetu — suprać pahrozy manapalizacyi rynku dziaržaŭnaj firmaj, jakaja robić vyhlad, što hulaje pa ahulnych zakonach, — svajho rodu «Sovietskaja Biełoruśsija» ŭ sfery GSM.
Abłamaŭšysia na pieršym teście, «BieST» pačaŭ novaje apytańnie z bolš neŭtralnym vybaram varyjantaŭ. Cikava, čym adkaža fantazija nizoŭ?
Kamientary