Kolkaść karystalnikaŭ sacyjalnaj sietki «Fejsbuk», jakija ŭbačyli rasijskuju palityčnuju rekłamu padčas prezidenckaj honki ŭ ZŠA, skłała kala 126 młn čałaviek. Takija dadzienyja, pa infarmacyi ŚMI, kampanija pradstavić na słuchańniach u sienacie ŭ aŭtorak.
Jak paviedamlaje ahienctva Rejter, što aznajomiłasia z pakazańniami hałoŭnaha juryskonsulta fejsbuka Kolina Stretča, u kampanii vyśvietlili, što z červienia 2015 h. pa žnivień 2017-ha z akaŭntaŭ, źviazanych z rasijskim «Ahienctvam internet-daśledavańniaŭ» (IRA), taksama viadomym jak «fabryka trolaŭ», było apublikavana 80 tysiač pastoŭ.
Jak adznačajuć u fejsbuku, u bolšaści ź ich zakranalisia sacyjalnyja i palityčnyja pytańni, jakija vyklikajuć roznahałośsi ŭ ZŠA.
Hetyja dopisy, pa dadzienych kampanii, ubačyli kala 29 miljonaŭ čałaviek. A ŭ vyniku pierapostaŭ paviedamleńniaŭ aŭdytoryja rasijskaj palityčnaj rekłamy pavialičyłasia da 126 młn čałaviek, što składaje kala 40% nasielnictva ZŠA, adznačaje ahienctva Błumbierh.
Usiaho za miesiac da vybaraŭ, u kastryčniku 2016 hoda, u «fejsbuku» byli zabłakavanyja 5,8 młn akaŭntaŭ, jakija raspaŭsiudžvali takija paviedamleńni. Akramia taho, byli vydalenyja 170 akaŭntaŭ u Instahramie, dzie byli apublikavanyja 120 tys. paviedamleńniaŭ.
Pa dadzienych krynicy Rejter, tvitar, pradstaŭniki jakoj taksama vystupiać u aŭtorak u sienacie, vyjaviła amal 3 tys. takich akaŭntaŭ.
U kampanii Google taksama ličać, što praź videachostynh YouTube raspaŭsiudžvałasia palityčnaja rekłama ŭ intaresach Rasii.
U Google naličyli 18 stvoranych dla hetych metaŭ kanałaŭ. U ich byli apublikavanyja bolš za tysiaču videarolikaŭ ahulnaj praciahłaściu 43 hadziny. Z červienia 2015 hoda pa listapad 2016 hoda hetyja kanały atrymali 309 tys. prahladaŭ. Usie jany paśla byli zabłakavanyja.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary