Prahrama «Viaskoŭcy» daśleduje ŭsio novyja temy sielskaha žyćcia. Hetym razam viadoŭca Viktar Šukiełovič vyviedvaŭ u muža i žonki ź vioski Płastok Lubanskaha rajonu, što jany najbolš ceniać i šanujuć adno ŭ adnym. Spadar Lavon i spadarynia Nina ščyra raspaviali pra svaje siamiejnyja adnosiny dy adznačyli: škadujuć tolki pra adno — što nie spatkalisia raniej i nie praviali jašče bolš času razam.
Spadarynia Nina pačastavała Viktara «kvasam», pryhatavanym pavodle staradaŭniaha receptu. Hetuju stravu robiać na soku kisłaj kapusty, hatujučy jaho ź miasam, hrybami i krupami. Viaskoŭcy raspaviali taksama Viktaru pra lehiendarny hryb viasiołku, jaki, pavodle ich, dapamahaje pazbavicca ad šmatlikich chvarob i navat ad raku.
Susiedki, jakija zavitali ŭ hości da spadara Lavona i jahonaj žonki, paśpiavali staradaŭnija pieśni, pažartavali, raskazali pavučalnuju bajku pra staroha babra dy raspaviali pra «babu», jakaja daŭniej adrazała pupavinu narodžanamu dziciaci i pieršaju kupała małoha.
Prahramu «Viaskoŭcy» hladzicie kožnuju sieradu a 18:35 na telekanale «Biełsat» praz spadarožnik «Astra 4A» (raniejšaja nazva «Sirius 4»), a taksama anłajn na sajcie «Biełsata». Inšyja vydańni prahramy «Viaskoŭcy» možna hladzieć na YouTube-kanale «Biełsat biez palityki».
Kamientary