Pačatkam honki ŭzbrajeńniaŭ pamiž Złučanymi Štatami i Rasijaj staŭ vychad ZŠA z damovy ab supraćrakietnaj abaronie (SRA). Pra heta zajaviŭ Uładzimir Pucin u intervju telekanału NBC NEWS.
«Kali vy kažacie pra honku ŭzbrajeńniaŭ, jana pačałasia, kali ZŠA vyjšli z damovy ab SRA», — skazaŭ Pucin u hutarcy z žurnalistkaj Miehan Keli. Jon taksama adznačyŭ, što zajavy Vašynhtona pra «chałodnuju vajnu» — heta prapahanda, i tyja, chto kažuć pra heta, u rečaisnaści nie źjaŭlajucca analitykami.
Na pytańnie ab vynikach vyprabavańniaŭ novych sistem ŭzbrajeńnia Pucin adkazaŭ: «Vielmi dobra». Jon dadaŭ, što kožnaja ź sistem znachodzicca na peŭnym etapie hatoŭnaści. Častka patrabuje dapracoŭki, a niekatoryja ź ich užo znachodziacca ŭ vojskach.
Raniej, 1 sakavika, padčas abviaščeńnia pasłańnia Fiederalnamu schodu, Pucin raspavioŭ ab raspracoŭcy najnoŭšych sistem ŭzbrajeńnia, jakija zdolnyja pieraadolvać sistemy PRA i SPA. Havorka išła, u pryvatnaści, ab stratehičnym rakietnym kompleksie «Sarmat», kryłataj rakiecie nieabmiežavanaj dalokaści, padvodnym bieśpiłotniku, avijacyjnym rakietnym kompleksie «Kinžał», hipierhukavym rakietnym kompleksie z kryłatym błokam i bajavoj łaziernaj ŭstanoŭcy.
U Pientahonie zajavili, što nie ździŭleny vystupu Pucina i hatovyja abaraniać svaju krainu.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary