Žyćcio, jakoje z vysokaj imaviernaściu mahło isnavać na płaniecie Proksima b, niadaŭna było źniščana
Adkryćcio ŭ 2016 hodzie płaniety Proksima b stała sapraŭdnaj siensacyjaj. Ziemlepodobny abjekt raźmieščany la najbližejšaj da Soniečnaj sistemy zorki Proksimy Centaŭra «ŭsiaho» za 4,24 śvietłavoha hoda ad nas i maje vielmi vysokuju imaviernaść isnavańnia žyćcia. Na žal, novyja vyniki nazirańniaŭ za ekzapłanietaj źniščyli ŭsie našyja nadziei na znachodžańnie tam žyćcia.
Praanalizavaŭšy źviestki, sabranyja sietkaj radyjoteleskopaŭ ALMA (Atakamskaja vialikaja antennaja rašotka milimietrovaha dyjapazonu), navukoŭcy niadaŭna vyśvietlili, što zorka Proksima Centaŭra 24 sakavika 2017 hoda vykinuła ŭ kosmas kałasalnuju pa svaich pamierach uspyšku. Kali na płaniecie Proksima b i isnavała jakaja-niebudź forma žyćcia, to ŭspyška, jakaja apynułasia ŭ 10 razoŭ bolš za samuju mahutnuju ŭspyšku na našym Soncy, jaje prosta vypaliła.
Navukoŭcy vyśvietlili, što na praciahu ŭsiaho 10 siekund jarkaść zorki Proksimy Centaŭra ŭzrasła ŭ toj dzień u 1000 razoŭ. Ale za hety čas płanieta Proksima b padvierhnułasia hihanckamu ŭzroŭniu radyjacyi. Jon u 4000 razoŭ pieravyšaje ŭzrovień, jakomu zvyčajna padviarhajecca Ziamla padčas soniečnych uspyšak.
Dla ŭsiaho žyvoha, što mahło znachodzicca ŭ toj momant na pavierchni płaniety, hetaja padzieja, chutčej za ŭsio, akazałasia apošniaj.
Ciapier u raspracoŭcy znachodziacca novyja teleskopy, jakija dazvolać nam bolš detalova zirnuć na płanietu Proksima b, a taksama vyśvietlić, ci ŭtrymlivaje jana jakoje-niebudź žyćcio, što paśla apošnich padziej małaimavierna. Navat kali apyniecca, što ekzapłanieta źjaŭlajecca nieabžytaj, to novyja viedy pra jaje mohuć dapamahčy nam u pošuku žyćcia na inšych płanietach, za miežami sistemy Centaŭra.
Karlikavyja zorki nakštałt Proksimy Centaŭra źjaŭlajucca adnym z samych raspaŭsiudžanych typaŭ zorak u našaj hałaktycy. Ale kali ŭličyć, što jany vielmi schilnyja da niečakanych padziejaŭ, jak pakazvaje apisany vyšej prykład, to adzinym šancam na vyžyvańnie lubych formaŭ žyćcia na płanietach, raźmieščanych pobač z takimi zorkami, budzie isnavańnie dzieści hłyboka pad ziamloj.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ28
Kamientary