Na hetym tydni ŭ Barysavie raspačali adrazu dźvie kryminalnyja spravy za spakušeńnie dziaciej. Kajdanki nadzieli na muža vychavalnicy dziciačaha doma siamiejnaha typu, zatym — na nastaŭnika fiziki, paviedamlaje Tut.by.
— 21 sakavika pravaachoŭnymi orhanami Barysaŭskaha rajona raspačata kryminalnaja sprava pa č.3 art. 167 KK «Hvałtoŭnyja dziejańni seksualnaha charaktaru» ŭ dačynieńni da 50-hadovaha nastaŭnika fiziki. Pa viersii śledstva, znachodziačysia pa miescy svajho žycharstva, nieadnarazova, vykarystoŭvajučy biezdapamožny stan dziaciej u siłu ich małaletniaha ŭzrostu, jon ździajśniaŭ dziejańni seksualnaha charaktaru, - paviedamiła Natalla Lenartovič, aficyjny pradstaŭnik prakuratury Barysaŭskaha rajona.
Paciarpiełyja pa spravie — dva chłopčyki. Adnamu vučniu 10 hadoŭ, druhomu — 11. Ź dziećmi ciapier pracuje psichołah. Nastaŭnik zatrymany i znachodzicca ŭ statusie padazravanaha.
U prakuratury adznačajuć: ich supracoŭniki razam ź milicyjaj i supracoŭnikami adździeła adukacyi pravodziać sustrečy ź dziećmi. Śpiecyjalisty raspaviadajuć, jak pavinny pavodzić siabie dzieci, kali da ich pačynajuć prystavać, kudy treba iści i da kaho źviartacca pa dapamohu.
Jak raspaviadaje Natalla Lenartovič, padčas adnoj z takich sustreč jana źviarnuła ŭvahu na dziaŭčynku. Dzicia było zamknionym, dziaŭčynka vidavočna niešta niedahavorvała. Kali jana zastałasia sam-nasam ź psichołaham, adkryłasia i raskazała: jana raście ŭ dziciačym domie siamiejnaha typu i da jaje prystaje muž vychavalnicy.
— U dačynieńni da 62-hadovaha mužčyny raspačata kryminalnaja sprava pa č.1 art. 168 KK «Pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu». Złačynstvy adbyvalisia z 2015 pa 2017 hod, — kamientuje Natalla Lenartovič, aficyjny pradstaŭnik prakuratury Barysaŭskaha rajona. — Zaraz usie 10 dziaŭčynak, jakija znachodzilisia na vychavańni, kanfiskavanyja ź siamji, jany źmieščany ŭ sacyjalny prytułak. Prakuratura rychtuje akt nahladu ab nieadkładnym zakryćci dadzienaha dziciačaha doma siamiejnaha typu.
Ciapier havorka idzie pra adnu paciarpiełuju. Pa viersii śledstva, mužčyna da jaje čaplaŭsia nie ŭ domie, dzie žyła vialikaja siamja, a va ŭłasnym, kudy dzieci jeździli mycca ŭ łaźniu pa vychodnych.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej5
Kamientary