Łukašenka adnaviŭ pasadu hałoŭnaha ideołaha i pryznačyŭ na jaje jurysta, byłoha vajskoŭca

Uładzimir Žaŭniak pryznačany namieśnikam kiraŭnika Administracyi prezidenta pa ideałohii i ŚMI.

Ad lutaha 2017 hoda takoj pasady prosta nie isnavała — abaviazki hałoŭnaha ideołaha padzialili pres-sakratarka prezidenta Natalla Ejsmant i pieršy namieśnik kiraŭnika Administracyi Maksim Ryžankoŭ.

«Ale ad hetaj idei, ščyra kažučy, siońnia i ja, i kiraŭnik Administracyi admaŭlajemsia. Nam patrebny taki čałaviek, jaki budzie ŭmieć i sam razmaŭlać ź ludźmi, i zajmacca sa srodkami masavaj infarmacyi, arhanizoŭvać ich, i inšymi pytańniami, jakija tyčacca ideałohii našaj dziaržavy. Heta ideałahičnaja praca, heta asnoŭnaje», — patłumačyŭ Łukašenka.

Jon pastaviŭ pierad Žaŭniakom zadaču «asučaśnić sistemu ideałahičnaj raboty», paviedamlaje BiełTA.

«U śfiery ideałohii nam treba vybudoŭvać dobruju sistemu. I pramoj pracy ź ludźmi. I asučaśnivać jaje. Bo jeździć pa pracoŭnych kalektyvach i ź imi vieści dyjałoh, razmaŭlać — heta vielmi važna, zaŭsiody ź ludźmi treba razmaŭlać. Ale hetaha ŭžo mała. Pa usie pracoŭnyja kalektyvy nie pajedzieš i ź dziesiaćciu miljonami nie pajedzieš. ideałahičnaj pracaj treba zajmacca ŭsim, pačynajučy ad prezidenta i zakančvajučy kiraŭnikami pradpryjemstvaŭ. Jakaja hetaja budzie sistema — vam z kiraŭnikom Administracyi jaje vybudoŭvać i z vašymi padnačalenymi», — zajaviŭ Łukašenka.

Źviartajučysia da Uładzimira Žaŭniaka, kiraŭnik dziaržavy skazaŭ: «Vy čałaviek, možna skazać, vajskovy. Byłych vajskoŭcaŭ nie byvaje. Heta taksama dobra. My ŭžo zanadta razmaŭlać pa roznych pytańniach navučylisia zamiest taho, kab brać i rabić niešta, stvarać sistemu, patrabavać. Kab heta było pryhoža, dobra. I ŭžo mienš treba razmaŭlać, a bolš dziejničać».

***

Uładzimir Žaŭniak naradziŭsia ŭ 1968 hodzie ŭ Chojnikach. U 1989 hodzie skončyŭ Novasibirskaje vyšejšaje vajenna-palityčnaje ahulnavajskovaje vučylišča, u 1985—2002 hadach słužyŭ va Uzbrojenych Siłach. Z 2002 pa 2006 hod — hałoŭny śpiecyjalist, daradca-kansultant adździaleńnia zakanadaŭstva pa pytańniach nacyjanalnaj biaśpieki, pravaachoŭnych i sudovych orhanaŭ Nacyjanalnaha centra zakonaprajektnaj dziejnaści pry Prezidencie Respubliki Biełaruś. U 2006-2008 hadach - namieśnik načalnika nazvanaha adździaleńnia. U 2008-2014 hadach - načalnik upraŭleńnia zakanadaŭstva ab nacyjanalnaj biaśpiecy i pravaachoŭnaj dziejnaści Nacyjanalnaha centra zakanadaŭstva i pravavych daśledavańniaŭ Respubliki Biełaruś.

Z 2014 hoda pa ciapierašni čas pracavaŭ na pasadzie namieśnika dyrektara Nacyjanalnaha centra zakanadaŭstva i pravavych daśledavańniaŭ.

• 0
• 0
• 0
• 0
• 0
• 0
• 0
• 0