U adpaviednaści z Płanam mižnarodnaha vajskovaha supracoŭnictva ŭ 2018 hodzie ŭ pieryjad z 2 pa 4 maja na palihonie Sary-Šahał Respubliki Kazachstan pravodzicca sumiesnaje kamandna-štabnoje vučeńnie rakietnych vojskaŭ i artyleryi Uzbrojenych Sił Respubliki Biełaruś i Respubliki Kazachstan z bajavymi puskami, paviedamlaje pres-słužba Minabarony.
Da ŭdziełu ŭ vučeńniach pryciahvajucca vajskovyja čaści i padraździaleńni kompleksaŭ taktyčnych rakiet «Kropka-U», reaktyŭnyja sistemy załpavaha ahniu «Pałanez», padraździaleńni 927-ha centra padrychtoŭki i prymianieńnia BAK, 85-j i 86-j bryhad suviazi, 1562-j techničnaj rakietnaj bazy, 31-ha navihacyjna-tapahrafičnaha centra, inžyniernych vojskaŭ, a taksama pradstaŭniki arhanizacyj Uzbrojenych Sił.
Usiaho ŭ vučeńni budzie zadziejničana da 100 adzinak techniki i bolš za 200 čałaviek asabovaha składu.
Kamientary