«Skuranyja tufli ŭ dziračku lepš vykinuć». Dyzajnierka raić, jakija rečy abirać u ciopłaje nadvorje, kab nie było horača
Nadychodzić leta. I ŭ modnikaŭ moža ŭźniknuć pytańnie: što ž nadzieć, kab ranicaj było ciopła, a dniom nie było horača? Rečy ź jakich materyjałaŭ nasić, kab skura dychała, pry hetym źniešni vyhlad jaje byŭ biezdakornym da samaha viečara?
Na hetyja pytańni nam adkazała dyzajnierka adździeńnia Taćciana Uładyka.
Taćciana Uładyka, dyzajnierka.
«Nasić letam lepš za ŭsio naturalnyja materyjały. Bavoŭna, lon, šoŭk. Jašče dobraja viskoza. Heta materyjał vonkava padobny da bavoŭny, ale vyrableny z celułozy, z draŭniny. Naturalnyja materyjały dobra prapuskajuć pavietra i pry hetym trymajuć ciapło. Inakš kažučy, u ich ciopła zimoj i prachałodna ŭletku. Sintetyka pavietra nie prapuskaje, tamu letam u joj horača».
Ci jość niedachopy ŭ rečaŭ z naturalnych materyjałaŭ?
«Viadoma ž, u naturalnych materyjałaŭ jość svaje minusy. Adzin z hałoŭnych — toje, što jany mocna kamiečacca. I tut jość dva vyjści. Pieršy: nasić rečy z 100% naturalnaha materyjału składanaha kroju, z roznymi zborkami, drapiroŭkami. Dobra vybirać niešta ź jarka-ružovym malunkam. U takich vypadkach toje, što reč skamiečyłasia, praktyčna nie vidać. Ci jašče varyjant: kuplać rečy z naturalnych materyjałaŭ ź nievialikim adsotkam sintetyki (da 20%). Sintetyka nie daść rečy pamiacca, ź jaje dadańniem vobraz čaściakom vyhladaje bolš achajna».
Jakomu letniamu abutku addavać pieravahu?
Z žančynami ŭsio dosyć prosta: abuła basanožki i pajšła. Pry hetym jany mohuć być jak na abcasie, tak i na płoskaj padešvie. Dobry varyjant i dla mužčyn, i dla žančyn — kiedy z tkaniny. Kali, viadoma, jany darečnyja.
Dla mianie asabista biełyja kiedy z tkaniny — heta abutak numar adzin u padarožžach, kali chočacca vyhladać pryhoža, ale treba šmat chadzić, i basanožki ź ćviordaj padešvaj nie nadzienieš.
Z mužčynami, pa słovach madeljerki, situacyja našmat składaniejšaja.
«Dla ofisnych rabotnikaŭ, jak ni kruci, patrebnyja skuranyja tufli. Možna na leta šukać niejkija palehčanyja madeli i nasić ich ź niabačnymi škarpetkami. Heta tyja, što nie vidać z-pad abutku. Tamu što pytańnie škarpetak i letniaha abutaku, mabyć, samaje balučaje ŭ mužčyn.
Vielmi nie rekamienduju nasić mužčynam znakamityja biełaruskija śvietłyja letnija tufli ŭ dziračku. Letam jany, viadoma, zručnyja, ale dadajuć mužčynam navat u dobrym kaściumie hadoŭ 10—15 ŭzrostu.
Što datyčycca sandalaŭ, to ličycca: čym šyrejšyja pałoski na ich, tym bolš brutalna jany vyhladajuć i hladziacca na mužčynskaj nazie. Słancy siudy nie adnosim. I škarpetki adsiul taksama vyklučajem. Nazaŭsiody!»
Niekalki rečaŭ z apošniaj kalekcyi dyzajnierki, u jakich letam jakraz nie horača
Ciapier čytajuć
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary