Minski zaapark abiraje imia dla zubraniaci FOTA
U siaredzinie traŭnia ŭ Minskim zaaparku naradziłasia zubrania. Cialatka padrasło i dobra hadujecca, tolki jamu nie chapaje najlepšaj mianuški. Zaapark raspačaŭ konkurs na varyjant imieni dla svajho mužnaha hadavanca.
Umovy prostyja:
- mianuška zubraniaci pavinna pačynacca na litaru «B» (pa praviłach mižnarodnaj plemiannoj knihi, pieršaja litara ŭ imieni kožnaha zubraniaci pavinna być takoj ža, jak u naźvie krainy, u jakoj jon naradziŭsia);
- pamiatajem, što ŭ nas — chłopčyk, i jon vyraście ŭ stanistaha mahutnaha pryhažuna;
- mianuška pavinna być miłahučnaj;
- mianuška nie pavinna być čałaviečym imiem.
«Abaviazkova treba być padpisantam supołki «Minski zaapark» i zrabić repost da siabie na staronku. Svaje varyjanty pakidajcie ŭ kamientarach pad hetym pastom», — prosiać arhanizatary konkursu.
Prapanovy prymajucca da 1 lipienia, paŭdzielničać u konkursie moža luby achvotnyy. Aŭtara najlepšaj prapanovy čakaje pryjemny siurpryz ad Minskaha zaaparka!
Vyniki konkursu buduć padviedzieny na śviacie ŭ Dzień Niezaležnaści, 3 lipienia.
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro2
Kamientary