Try cikavostki, jakich možna čakać ad Apple
Amierykanski vytvorca kultavych devajsaŭ praviadzie ŭ sieradu bujnuju prezientacyju.
Kampanija Apple rychtujecca pakazać 12 vieraśnia čarhovyja navinki. Jak zvyčajna, impreza achutana tajamničaściu i raznastajnymi čutkami. Voś try mahčymyja cikavostki, jakija (vierahodna, ale nie abaviazkova) kampanija moža vynieści na sud publiki:
Razumny hadzińnik z elektrakardyjahramaj
Jak čakajecca, smart-hadzińnik Apple Watch atrymaje bolš tonki korpus, a voś cyfierbłat (ci jaho lepiej nazvać ekranam?) budzie pavialičany. Chodziać čutki, što ŭ hadzińniku taksama budzie ŭbudavany admysłovy sensar, z dapamohaj jakoha ŭładalnik zmoža źniać ułasnuju elektrakardyjahramu.
iPhone ź dźviuma simkami
Nie vyklučana, što źjavicca madel «jabłyčnaha» smartfonu ź dźviuma sim-kartami. Reč u tym, što dvuchsimkavyja aparaty vielmi papularnyja ŭ Azii, jakaja źjaŭlajecca važnym i vielmi vialikim rynkam, ale Apple pakul što takich nie vyrablaje.
Daražejšaja madel iPhone X moža atrymać jašče bolšy ekran. Taksama moža źjavicca biudžetnaja madel u roznych kolerach korpusu, ale ź mieniej «navaročanym» dysplejem.
iPad biez knopki
Za apošnija hady telefony Apple zhubili svaje firmovyja knopki-huziki home, što dało mahčymaść pavialičyć pamier ekranu. Całkam vierahodna, što taki samy los napadkaje i płanšety iPad. Zrešty, nie fakt — u apošnija hady kampanija čaściej prezientavała płanšety dy kampjutary na asobnaj prezientacyi ŭ kastryčniku.
Darečy, Apple śćviardžaje, što va ŭsim śviecie pracuje 1,3 miljarda aktyŭnych pryładaŭ vyrabnictva hetaj kampanii. Bolš za pałovu vyručki prynosiać prodažy iPhone. U apošni čas realizacyja devajsaŭ Apple pačała zapavolvacca, a voś prybytak ad vobłačnych siervisaŭ nakštałt mahazinu prahramaŭ App Store, schovišča fajłaŭ iCloud i muzyčnaha servisu Apple Music imkliva raście.
Kamientary