Kali ŭ vas ci vašych svajakoŭ i znajomych jość lecišča, to z upeŭnienaściu mahu skazać, što niedzie ŭ chacie vas užo čakaje skrynia ź jabłykami. I kožny dzień vy zadajaciesia pytańniem, što ž jašče možna ź imi zrabić (jeści prosta tak nadakučyła, šarłotki taksama nie lezuć). Ale nie zdavajciesia! Ź ich možna zrabić vialikuju kolkaść inšaj vypiečki.
I siońnia my paznajomimsia z vami z kłasičnym jabłyčnym štrudzielem.
Ź niamieckaj movy štrudziel možna pierakłaści jak vichor, i hetaja nazva dobra adlustroŭvaje sutnaść stravy — tonkaje ciesta, šmat razoŭ zakručanaje z načyńniem. Strava maje aŭstryjskaje pachodžańnie, najstarejšy recept datujecca 1696 hodam. Jość mierkavańnie, što aŭstryjskija kandytary natchnialisia takimi ŭschodnimi słodyčami, jak pachłava, dzie hałoŭnuju rolu taksama adyhryvaje vielmi tonkaje ciesta.
Dla ciesta:
- 200 hr. muki;
- 1 jajka;
- 30 hr. masła;
- 0,5 č. ł. vocatu;
- 65 hr. vady.
Masła rastaplivajem. Źmiešvajem usie inhredyjenty i zamiešvajem hładkaje tuhoje ciesta. Zavaročvajem u plonku i pakidajem u chaładzilniku minimum na 2—3 hadziny (lepš za ŭsio na noč). Hetaja pracedura daść ciestu dadatkovuju ełastyčnaść.
Dla načynki:
- 5 siarednich jabłykaŭ;
- 100 hr. paniravalnych sucharoŭ;
- 70 hr. masła;
- 70 hr. razynkaŭ;
- 20 hr. romu ci kańjaku;
- 0,5 č. ł. cynamonu;
- 50 hr. mindalu;
- 60 hr. cukru.
Dla abmazki:
- 20 hr. rastoplenaha masła;
- 10 hr. viarškoŭ.
Razynki dobra pamyć i zalić romam ci kańjakom na niekalki hadzin. Jabłyki abirajem, narazajem tonkimi skryločkami. Mindal drobna narazajem (kali jość mahčymaść, lepiej uziać mindalnyja pialostki).
Na patelni rastaplivajem masła, dadajom suchary i trochi padsušvajem. Dadajom jabłyki, mindal, cukar i cynamon i absmažvajem načynku 3—4 chvilinki. Dadajom razynki z romam.
Dla raskatki ciesta padrychtujcie rušnik biez vorsu. Ciesta dastajom z chaładzilnika i spačatku raściahvajem jaho tylnym bokam dałoni, dakładniej kaściaškami palcaŭ. Robim usio akuratna, kab nie parvać ciesta. Pasypajem ručnik mukoj i pierakładajem na jaho ciesta, sprabujem jašče raskatać jaho. Na tonkaje ciesta vykładajem načynku. Zavaročvajem baki i robim rulet.
Pierakładajem štrudziel na blachu, jakuju zahadzia zmazvajem masłam. Sam štrudziel taksama zmazvajem masłam i nakryvajem folhaj. Stavim u duchoŭku, razahretuju da 175 hradusaŭ. Praz 20 chvilin zdymajem folhu, abmazvajem štrudziel viarškami i pakidajem u duchoŭcy jašče na 20 chvilin. Pa žadańni možna absypać cukrovaj pudraj i jeści z šarykam vanilnaha maroziva. Smačna jeści!
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary