Dzieviać prykmiet taho, što vy pačynajecie stareć. Z punktu hledžańnia navuki

Serana — adzin z aŭtaraŭ daśledavańnia «Prykmiety stareńnia», u jakim śpiecyjalisty pieraličvajuć asnoŭnyja pracesy, jakija adbyvajucca ŭ našym ciele ź ciaham času.

«Heta niepaźbiežnyja faktary. Jany mohuć być bolš ci mienš zaŭvažnyja ŭ zaležnaści ad ładu žyćcia čałavieka i hienietyki. Ale jany adbyvajucca zaŭsiody», — skazaŭ Serana ŭ intervju Bi-bi-si.

Takim čynam, voś dzieviać faktaraŭ, jakija śviedčać pra stareńnie čałavieka.

1. Nazapašvajucca paškodžańni ŭ DNK

Naša DNK — hienietyčny kod, jaki pieradajecca pamiž kletkami. Stareńnie pryvodzić da pavieličeńnia pamyłak, jakija mohuć paŭstać u hetym pracesie. Hetyja pamyłki nazapašvajucca ŭ kletkach.

Taki fienomien viadomy jak hienietyčnaja niestabilnaść, i jon asabliva charakterny dla pamyłak DNK u stvałavych kletkach, ź jakich farmirujucca ŭsie inšyja kletki sa śpiecyjalnymi funkcyjami.

Hienietyčnaja niestabilnaść moža zaminać pracy stvałavych kletak. Pry nazapašvańni pamyłak hetyja kletki mohuć stać rakavymi.

2. Znošvajucca chramasomy

Łancužki DNK majuć nakaniečniki, jakija abaraniajuć našy chramasomy — niešta nakštałt płastykavych trubačak na kancy matuzkoŭ.

Jany nazyvajucca tełamierami. Pa miery stareńnia hetyja achoŭnyja bufiery znošvajucca, i chramasomy hublajuć abaronu. Heta aznačaje, što jany niekarektna ŭznaŭlajucca, što vyklikaje prablemy.

Daśledčyki źviazvajuć razbureńnie tełamieraŭ z chvarobami typu lohačnaha fibrozu i apłastyčnaj aniemii — surjoznaha imunałahičnaha zachvorvańnia.

Adnak navukoŭcy ŭžo navučylisia pavyšać uzrovień tełamierazu — fiermientu, jaki pavialičvaje daŭžyniu tełamier.

Dośledy na myšach pakazali, što pavyšeńnie daŭžyni tełamier moža padoŭžyć žyćcio hryzunoŭ.

3. Parušajucca pavodziny kletak

U ciele adbyvajecca ekspresija hienaŭ: tysiačy hienaŭ u peŭnaj kletcy vyznačajuć, što moža rabić hetaja kletka — ci moža jana pavodzić siabie, naprykład, jak kletka cieła abo mozhu.

Čas i ład žyćcia ŭpłyvajuć na toje, jakim čynam dajucca hetyja «instrukcyi». Kletki mohuć pavodzić siabie zusim nie tak, jak pavinny.

4. Kletki pierastajuć abnaŭlacca

Kab praduchilić nazapašvańnie paškodžanych kampanientaŭ u našych kletkach, cieła čałavieka zdolnaje pieryjadyčna abnaŭlać nabor kletak.

Adnak hetaja zdolnaść z uzrostam hublajecca, i kletki pačynajuć nazapašvać bieskarysnyja abo taksičnyja prateiny — niekatoryja ź ich pryvodziać da chvarob Alchiejmiera abo Parkinsana, a taksama da źjaŭleńnia katarakty.

5. Mietabalizm u kletkach paharšajecca

Ź ciaham času kletki hublajuć zdolnaść pierapracoŭvać rečyvy nakštałt tłuščaŭ abo cukru.

Heta moža pryvieści da raźvićcia dyjabietu, pakolki arhanizm užo nie moža zasvojvać pažyŭnyja rečyvy, što pastupajuć u kletki.

Uzrostavy dyjabiet časta ŭźnikaje mienavita pa hetaj pryčynie — arhanizm pažyłych ludziej nie zdolny pierapracoŭvać usio, što jany jaduć.

Pavialičyć

6. Mitachondryi pierastajuć pracavać

Mitachondryja — heta pastajanny kampanient kletki, jaki zabiaśpiečvaje jaje enierhijaj, adnak z hadami jana hublaje svaju efiektyŭnaść. Zboi ŭ pracy mitachondryj mohuć nanieści škodu DNK čałavieka.

Niekatoryja navukoŭcy kažuć, što palapšeńnie funkcyj mitachondryi moža pavysić praciahłaść žyćcia sysunoŭ.

Pavodle daśledavańnia, apublikavanaha ŭ červieni ŭ časopisie Nature, navukoŭcam udałosia praduchilić utvareńnie zmorščyn u myšej z dapamohaj palapšeńnia ich mitachondryj.

7. Kletki pieratvarajucca ŭ «zombi»

Kali kletka surjozna paškodžanaja, to jana pierastaje pracavać, kab nie ŭtvarać novyja paškodžanyja kletki. Jana nie razmnažajecca, ale i nie pamiraje.

Tak zvanyja kletki-zombi mohuć upłyvać na susiednija zdarovyja kletki i raspaŭsiudžvać zaražeńnie pa ŭsim ciele.

Kolkaść takich kletak z hadami pavialičvajecca. U chodzie dośledaŭ nad myšami vydaleńnie kletak-zombi dapamahło zapavolić pracesy stareńnia.

8. Stvałavyja kletki hublajuć enierhiju

Strata adnaŭlenčaha patencyjału — adna z samych vidavočnych prykmiet stareńnia.

Stvałavyja kletki stamlajucca i hublajuć svaju zdolnaść adnaŭlacca.

Niadaŭnija daśledavańni pakazvajuć, što amaładžeńnie stvałavych kletak moža zapavolić prykmiety stareńnia cieła.

9. Parušajecca kamunikacyja pamiž kletkami

Kletki znachodziacca ŭ pastajannaj kamunikacyi pamiž saboj, adnak hetaja zdolnaść z časam hublajecca.

Heta pryvodzić da zapalenčych pracesaŭ, jakija jašče horš abciažarvajuć mižkletkavuju kamunikacyju.

U vyniku kletki hublajuć adčuvalnaść da prysutnaści patahiennych rečyvaŭ i złajakasnych kletak.

Serana ź ispanskaha centra ankałahičnych daśledavańniaŭ kaža, što vyvučeńnie ŭnutrykletkavych pracesaŭ stareńnia moža dapamahčy ŭ vynachodnictvie novych mietadaŭ zapavoleńnia ahulnaha znošvańnia orhanaŭ i tkanak čałavieka.

Pavodle jaho słoŭ, choć hety praces i niepaźbiežny, jon moža być zapavoleny z dapamohaj zdarovaha ładu žyćcia.

«U našy dni žyćcio pažyłych ludziej stała značna bolš bahatym i zdarovym, čym u minułyja dziesiacihodździ. Lepšaje, što my možam zrabić, heta atrymlivać asałodu ad žyćcia navat tady, kali my starejem», — kaža jon.

• 0
• 0
• 0
• 0
• 0
• 0
• 0
• 0