Krainy Jeŭrasajuza buduć pierachodzić na letni čas jašče jak minimum da viasny 2021 hoda, piša Delfi.lt
Na minułym tydni ŭ Bruseli zasiadali ministry transpartu krain ES i pryniali rašeńnie nie ŭchvalać rašeńnie Jeŭrakamisii ŭ terminovym paradku z nastupnaha hoda admovicca ad pierachodu na letni čas. «Chutčej za ŭsio, tolki ŭ 2021 hodzie ŭdasca admovicca ad hetych pieramienaŭ», - skazaŭ ministr transpartu Aŭstryi Norbiert Chofier.
Tolki paśla «vyčarpalnych kansultacyj» Rada zmoža sfarmulavać kančatkovyja vysnovy pa pytańni, ci admovicca ad pieravodu strełak na ŭsioj terytoryi ES i kali admovicca, to ź jakoha času. Na kansultacyi dali čas da viasny 2021 hoda.
Staršynia Jeŭrakamisii Žan-Kłod Junkier u siaredzinie vieraśnia prapanoŭvaŭ apošni raz pieravieści strełki hadzińnikaŭ u 2019 hodzie.
Uzimku (da apošniaha tydnia sakavika) roźnica ŭ časie pamiž Minskam i Vilniaj (Ryhaj, Talinam) składaje adnu hadzinu, z Varšavaj, Bierlinam i Paryžam — dźvie hadziny. Letam roźnicy ŭ časie pamiž Vilniaj i Ryhaj niama, roźnica ŭ časie pamiž Minskam z Varšavaj i Bierlinam składaje hadzinu.

Kamientary