Pra heta Łukašenka siońnia zajaviŭ pa naradzie pa sporcie, piša BiełTA.
«Siońnia sport — heta ŭžo nie baraćba, a vajna. Ty vychodziš, jak na vajnu, na placoŭku z kluškaj ci ŭ futboł hulaješ. Tolki tady ty možaš vyjhrać», - pierakanany jon.
Kiraŭnik dziaržavy ŭ jakaści prykładu raspavioŭ pra svaju niadaŭniuju sustreču z eks-prezidentam Łatvii Huncisam Ułmanisam, jaki źjaŭlajecca staršynioj praŭleńnia ryžskaha CHK «Dynama». Jany ŭ tym liku abmierkavali asablivaści raźvićcia chakieja ŭ svaich krainach.
«Vy pahladzicie, jak hulajuć ryžanie, jak hulaje ŭ ich zbornaja. Heta ž duch!» — zajaviŭ Alaksandr Łukašenka. Jak raspavioŭ jamu Huncis Ułmanis, ryžskamu «Dynama» vielmi pašancavała z trenieram [Hirtsam Ankipansam — NN]. Jon uvieś čas nastrojvaje svaich padapiečnych na aktyŭnuju baraćbu, tamu chakieisty imknucca vycisnuć maksimum z svaich namahańniaŭ.
***
Na minułym čempijanacie śvietu pa chakiei zbornaja Biełarusi pakinuła elitny dyvizijon, zaniaŭšy ŭ hrupie apošniaje miesca, a Łatvija vyjšła ŭ 1/4 finału, dzie prajhrała budučym čempijonam śvietu šviedam 2:3.
U siońniašnim čempijanacie KCHŁ ryžskaje «Dynama» idzie na 9-m miescy, adstajučy ad zony płej-of na try bały, a minskaje na apošnim. Adstavańnie ad zony płej-of składaje 15 bałaŭ, pamiž kłubami 12 bałaŭ. Siońnia kamandy zhulajuć pamiž saboj na Minsk-arenie.
Stała viadomaja asoba rabočaha «Biełaruśkalija», jaki zahinuŭ pry abrušeńni hornaj parody1
Kamientary