Zołatava pra viarboŭku śpiecsłužbami žurnalista Tut.by: Dzima nam adrazu ŭsio raskazaŭ
Hałoŭnaja redaktarka partała Tut.by Maryna Zołatava adkazała ŭ prahramie «Tok» na pytańnie pra viarboŭku rabotnika redakcyi.
— Žurnalist Dźmitryj Bobryk napisaŭ pra toje, što jaho sprabavali schilić da supracoŭnictva, niejkim čynam, abiacali jamu za heta źniać abvinavačvańni. Jak heta było? Toje, što jon pryznaŭsia, ja dumaju, było maralna niaprosta. Ci heta abmiarkoŭvałasia asobna ŭ redakcyi?
— Pa-pieršaje, Dzima nam raskazaŭ usio adrazu. My vyjšli ź IČU (izalatar časovaha ŭtrymańnia — Red.), sustrelisia, pahavaryli, jon usio heta raskazaŭ. Skazaŭ, što nie źbirajecca vykonvać svaje abiacańni, jakija prymusili tam dać. Što da jaho publikacyi, jaho «kamin-aŭta», to papiarednie heta z nami nie abmiarkoŭvałasia. Heta było jaho ŭłasnaje žadańnie. Dumaju, heta było vyklikana… Jakraz u hety dzień ci troški raniej Uładzimir Mackievič zrabiŭ svaju publičnuju zajavu, i, dumaju, heta była reakcyja takaja Dzimy, jakuju jon abdumaŭ, kaniečnie. Ja liču, što jon usio pravilna zrabiŭ, kali ŭsio publična skazaŭ, publična zajaviŭ ab hetym. Kaniečnie, ja jaho padtrymlivaju.
— Jak vy dumajecie, čamu vam nie prapanoŭvali takoje supracoŭnictva?
— Ja dumaju heta było b dziŭna, kali b supracoŭnictva prapanoŭvali hałoŭnamu redaktaru. Kali jaho prapanoŭvać prosta žurnalistam, ci navat nie žurnalistam, a asobam, jakija pracujuć u inšych adździełach, to heta było b zrazumieła, a sprabavać zavierbavać hałoŭnaha redaktara — heta troški dziŭna.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary