Brat Alaksandra Kazulina Ŭładzimier praviadzie 5 sutak u turmie na Akreścina. Administracyjnaje pakarańnie jon atrymaŭ za sprobu daviedacca pra los svajho brata padčas padziejaŭ 2 sakavika.
Brat Alaksandra Kazulina Ŭładzimier praviadzie 5 sutak u turmie na Akreścina. Administracyjnaje pakarańnie jon atrymaŭ za sprobu daviedacca pra los svajho brata padčas padziejaŭ 2 sakavika.
Sudzili Ŭładzimiera Kazulina zavočna, jašče 17 sakavika, u Maskoŭskim sudzie Miensku. Prysud vyniesła sudździa Tamara Ŭnukievič.
Pavodle žonki Ŭładzimiera Kazulina Iryny, jaje muž nia viedaŭ, što sud adbudziecca, – hetak ža ničoha nia viedała i jana. Ale žančyna zhadała, što napiaredadni zvaniŭ učastkovy milicyjant, pytaŭsia pra muža, kali toj pryjedzie damoŭ. Hety ž učastkovy patelefanavaŭ znoŭ 4 červienia.
(Iryna Kazulina: ) «Potym u niadzielu ŭviečary pazvaniŭ učastkovy i skazaŭ, što treba zdavacca, bo budzie horš. I ŭčora pa jaho pryjechali. Jon mnie paśpieŭ patelefanavać, skazaŭ, što pavieźli na Akreścina».
Brata byłoha kandydata na prezydenta pryznali vinavatym u niepadparadkavańni milicyi padčas padziejaŭ 2 sakavika kala Kastryčnickaha rajonnaha ŭpraŭleńnia milicyi. Nahadajem, tudy byŭ dastaŭleny Alaksandar Kazulin, jakoha zatrymali padčas sproby prajści na Ŭsiebiełaruski narodny schod. U milicejskim upraŭleńni apazycyjny kandydat raźbiŭ partret Alaksandra Łukašenki. Pakul palityka trymali, jahonyja svajaki j prychilniki sabralisia kala ŭvachodu ŭ budynak milicyi. Paźniej častku hetych ludziej zatrymali supracoŭniki «Ałmazu» – nibyta kab spynić šturm budynku.
Dačka Alaksandra Kazulina Julija kaža, što nijakaha šturmu nie było. Dziaŭčyna zhadvaje, jak pavodziŭ siabie jaje dziadźka padčas tych padziejaŭ:
(Julija Kazulina: ) «Tam takaja metaličnaja brama. Jon stajaŭ i trymaŭsia za hetuju bramu j tolki adnaho razu pchnuŭ jaje. A z druhoha boku stajali milicyjanty. Kali heta nazvać šturmam, to ja nia viedaju».
Pavodle svajakoŭ Uładzimiera Kazulina, pra prysud jon daviedaŭsia tolki ŭ traŭni. Uładzimier Kazulin sprabavaŭ abskardzić prysud u Mienskim haradzkim sudzie, ale tam skarhu nie zadavolili. Darečy, Uładzimier Kazulin raniej sam pracavaŭ u milicyi, u aparacie Ministerstva ŭnutranych spravaŭ, adkul zvolniŭsia vosiem hadoŭ tamu ŭ zvańni majora.
Siońnia advakat Ihar Rynkievič sustrakaŭsia ŭ Žodzinskaj turmie z Alaksandram Kazulinym. Pavodle advakata, palityk asudziŭ aryšt svajho brata, nazvaŭšy heta «pomstaj usim Kazulinym z palityčnych pryčynaŭ».
5 červienia na Kastryčnickaj płoščy razam z aktyvistami moładzievaha ruchu byŭ zatrymany syn Uładzimiera Kazulina Alaksiej. Paźniej Alaksiej Kazulin paviedamiŭ svajakam, što padčas asabistaha ahladu milicyjanty nibyta sprabavali padkinuć jamu narkotyki.
Siońnia ŭ presavaj słužbie mienskaj milicyi karespandentu «Svaboda» zajavili, što siarod zarehistravanych zdareńniaŭ minułaha dnia nie zafiksavany fakt znojdzienych narkotykaŭ u Alaksieja Kazulina.
Ciapier čytajuć
Anžaliku Mielnikavu bačyli ŭ Minsku ŭ «Dana Mole»61
Kamientary