Jon pieramoh u jubilejnym, 50‑m pa liku apytańni, što tradycyjna ładzicca hazietaj «Sportivnaja panorama».
Alimpijski čempijon Piekina ciažkaatlet Andrej Aramnaŭ pryznany najlepšym spartoŭcam Biełarusi 2008 hodu.
Jon pieramoh u jubilejnym, 50‑m pa liku apytańni, što tradycyjna ładzicca hazietaj «Sportivnaja panorama».
Nahadajem, što Aramnaŭ na svajoj debiutnaj Alimpijadzie zavajavaŭ zołata ŭ vahavaj katehoryi 105 kh.
Pa vynikach hałasavańnia jon atrymaŭ 1258 bałaŭ,
89 respandentaŭ pastavili jaho na pieršaje miesca, 27 — na druhoje, i 9 — na treciaje.
Druhoje miesca (1162 bałaŭ) zaniała jašče adna alimpijskaja čempijonka Aksana Miańkova, što vyjhrała ŭ Piekinie spabornictvy pa kidańni mołatu. Treciaje miesca zaniali braty Alaksandr i Andrej Bahdanovičy, jakim nie było roŭnych ŭ finale zajezdu na kanoe‑dvojcy. U aktyvie našych vieślaroŭ 1031 bał.
U dziesiatku lepšych atletaŭ uvajšli taksama Andrej Kraŭčanka (lohkaja atletyka, dziesiaciborje), Andrej Rybakoŭ (ciažkaja atletyka), Ina Žukava (mastackaja himnastyka), Natalla Michnievič (lohkaja atletyka, šturchańnie jadra), duet Vadzim Machnieŭ / Raman Pietrušenka (viesłavańnie na bajdarkach i kanoe), Kaciaryna Karsten (akademičnaje viesłavańnie) i Vasil Kiryjenka (viełasport).
U naminacyi «Najlepšaja kamanda — 2008» nie było roŭnych futbolnamu kłubu BATE. Barysaŭski kłub nabraŭ 71 bał. Druhoj nazvana žanočaja zbornaja pa baskietbole (45), treciaje miesca ŭ zbornaj pa mastackaj himnastycy (17).
U sioletnim plebiscycie «Sportivnoj panoramy» brali ŭdzieł 136 spartovych žurnalistaŭ, jakija pavinny byli nazvać dziesiatku najlepšych i adnu kamandu.
Kamientary