U «Hazpromie» nie kamientujuć hetuju infarmacyju. Vystupajučy ŭ aŭtorak u Biarozie, Łukašenka chvaliŭsia, što cana na haz dla Biełarusi budzie «padajučaj» i ŭpadzie na praciahu hodu ŭ 2,5‑3 razy.
U pres‑słužbie AAT «Hazprom» nie kamientujuć infarmacyju ab tym, što cana na haz dla Biełarusi ŭ pieršym kvartale 2009 hoda moža skłaści 160—170 dalaraŭ za tysiaču kubamietraŭ.
U rasijskaj kampanii taksama nie zmahli adkazać, ci budzie abvieščana cana da kanca hetaha hoda.
Ab tym, što cana na rasijski haz dla Biełarusi
ŭ pieršym kvartale 2009 hoda moža skłaści 160—170 dalaraŭ,BiełaPAN paviedamiła infarmavanaja rasijskaja krynica.
Surazmoŭca taksama zaznačyŭ, što ŭ najbližejšyja dni ŭ Maskvu nakirujecca delehacyja na čale ź pieršym vice‑premjeram Uładzimiram Siamaškam, jakaja pavinna kančatkova ŭzhadnić canu i dakumientalna aformić hazavyja damoŭlenaści pamiž Maskvoj i Minskam.
Vystupajučy ŭ aŭtorak u Biarozie, Łukašenka chvaliŭsia, što cana na haz dla Biełarusi budzie «padajučaj» i ŭpadzie na praciahu hodu ŭ 2,5‑3 razy. Cikava, što ŭsie važnyja rašeńni ŭ rasijska‑biełaruskich adnosinach (SPA, pryznańnie kaŭkazskich respublik, pierachod na rasijski rubiel) adkładzienyja na kaniec studzienia. Tady, jak toj kazaŭ, ci karova zdochnie, ci siena skončycca.
***
Na pres‑kanfierencyi 11 śniežnia ŭ Minsku namieśnik ministra ekanomiki Uładzimir Adaškievič zajaviŭ, što Biełaruś raźličvaje ŭ 2009 hodzie kuplać rasijski haz pa canie, nie vyšejšaj za 160 dalaraŭ za tysiaču kubamietraŭ.
22 śniežnia Alaksandr Łukašenka i Dźmitryj Miadźviedzieŭ na sustrečy ŭ Kramli ŭzhadnili canu na haz, jaki pastaŭlajecca z Rasii ŭ Biełaruś, na 2009 hod.
Jak paviedamiła pres‑słužba prezidenta Biełarusi, «pa vynikach pieramoŭ była vyznačana prymalnaja dla biełaruskaha boku cana na haz».
U pieršym kvartale 2008 hoda Biełaruś kuplała rasijski haz pa 119 dalaraŭ, z druhoha kvartała cana ŭstanoŭlena na ŭzroŭni 127,9 dalara za 1 tys. kubičnych mietraŭ.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač16
Kamientary